యంగ్ రెబల్ స్టార్ ప్రభాస్ ఈయన ఇప్పుడు టాలీవుడ్ స్టార్ హీరో మాత్రమే కాదు, ప్రపంచం మొత్తం తెలిసిన స్టార్ హీరో. బాహుబలి సినిమాతో ప్రపంచం మొత్తం ప్రభాస్ ఇప్పుడు టాప్ లెవెల్ లో వున్నాడు. “బాహుబలి 2” విడుదలై అప్పుడే ఏడాదిన్నర పూర్తవుతున్నప్పటికీ.. ఇప్పటివరకూ సాహోకి సంబంధించిన ఒక్క ఫోటో కానీ టీజర్ కానీ రాలేదు. సినిమా రిలీజ్ కూడా 2019లో అని ఫిక్స్ అవ్వడంతో ఈలోపు ఏం విడుదల చేసినా వేస్ట్ అని సైలెంట్ గా షూటింగ్ కానిచ్చేస్తున్నారు చిత్రబృందం.
మధ్యలో సాహో స్పెషల్ ఫోటోషూట్స్ లో మాత్రమే ప్రభాస్ కనిపించాడు. ఇంకా ప్రభాస్ కొత్త సినిమా గురించిన ఏ వార్త బయటకు రాలేదు. ఈ విషయమై అభిమానులందరూ తెగ భాదపడుతున్నారు. ఈ విషయం తెలుసుకున్న యువి క్రియేషన్స్ సంస్థ అర్జెంట్ గా సాహో సినిమా సంబంధించిన ఒక ప్రోమోను ప్రభాస్ పుట్టినరోజు సందర్భంగా అక్టోబర్ 23న విడుదల చేసేందుకు సన్నాహాలు చేస్తోంది. ప్రభాస్ సరసన బాలీవుడ్ బ్యూటీ శ్రద్ధకపూర్ కథానాయికగా నటిస్తున్నది. ఈ చిత్రానికి సుజీత్ దర్శకత్వం వహిస్తున్నారు.
