‘బాహుబలి’ తరువాత యంగ్ రెబల్ స్టార్ ప్రభాస్ నటిస్తున్న చిత్రం ‘సాహూ’. నిజానికి రాజమౌళి డైరెక్షన్లో చేసిన హీరోలకి నెక్స్ట్ చిత్రం కచ్చితంగా ప్లాప్ అవుతుందని ఓ సెంటిమెంట్ టాలీవుడ్ ఇండస్ట్రీలో ఉంది. దీంతో ప్రభాస్ ‘సాహూ’ చిత్రం పై కూడా అనుమానాలు మొదలయ్యాయి. సో పెద్దగా అంచనాలు లేవు అని అందరూ అనుకున్నారు. అయితే విడుదల చేసిన ఈ చిత్రం మేకింగ్ వీడియోలు చూస్తుంటే.. ఆ సెంటిమెంట్ కి బ్రేక్ పడటం ఖాయం అని అప్పుడే కామెంట్స్ మొదలయ్యి పోయాయి. ఇప్పుడు ఈ చిత్ర పై భారీ అంచనాలు నెలకొన్నాయి.
హై వోల్టేజ్ యాక్షన్ ఎంటర్టైనర్ గా తెరకెక్కుతున్న ‘ సాహూ’ చిత్రం షూటింగ్ ప్రస్తుతం రామోజీ ఫిలిం సిటీ లో శరవేగంగా జరుగుతుంది. ఇక తాజాగా విడుదల చేసిన ఈ చిత్రం మేకింగ్ టీజర్ లకు కూడా సూపర్ రెస్పాన్స్ వచ్చింది. డైరెక్టర్ సుజీత్ ఈ చిత్రాన్నిహాలీవుడ్ లో రేంజ్ లో తెరకెక్కిస్తుండడం తో ఇండియా తోపాటు ఓవర్సీస్ లో కూడా ఈ చిత్రానికి మంచి క్రేజ్ ఏర్పడింది. ఈ చిత్రానికి చైనా మినహా ఓవర్సీస్ లో 36 కోట్ల ప్రీ రిలీజ్ బిజినెస్ జరిగిందట. ఒక ఇండియన్ సినిమా కి ఈ స్థాయిలో బిజినెస్ జరగడం ఇదే మొదటి సారి కావడం విశేషం. ‘యూవీ క్రియేషన్స్’ సంస్థ భారీ బడ్జెట్ తో నిర్మిస్తున్న ఈ చిత్రంలో శ్రద్ధ కపూర్ హీరోయిన్ గా నటిస్తుంది. ‘శంకర్-ఎహసాన్ -లాయ్’ సంగీతం అందిస్తున్నారు. ఆగష్టు 15 న తెలుగు తోపాటు ఇతర భాషల్లో కూడా ఈ చిత్రాన్ని భారీ స్థాయిలో విడుదలచేస్తున్నారు.
