ఒక రెండేళ్ల క్రితం నాని తర్వాత ఆ రేంజ్ హీరో ఎవర్రా అంటే అందరికీ ఇమ్మీడియట్ గా గుర్తొచ్చే కథానాయకుడు సాయిధరమ్ తేజ్. అలాంటిది ఏకంగా వరుసగా 6 ఫ్లాపులతో ఒక్కసారిగా డౌన్ అయిపోయాడు. గతంలో 25 కోట్లు మార్కెట్‌ ఉన్న సాయి ధరమ్‌ తేజ్ చిత్రాలకి ఇప్పుడు కనీసం అయిదు కోట్ల షేర్ కూడా రాకపోవడం అందరినీ ఆశ్చర్య పరుస్తోంది. అందుకే కొంత గ్యాప్ తీసుకొని తన లుక్ కూడా మార్చుకుని మరీ “చిత్రలహరి” అనే సినిమా చేస్తున్నాడు సాయిధరమ్ తేజ్. కిషోర్ తిరుమల దర్శకత్వంలో తెరకెక్కుతున్న ఈ చిత్రం ప్రస్తుతం చిత్రీకరణ దశలో ఉంది.
ఇక మొన్నే తమ్ముడు వైష్ణవ్ తేజ్ ను కూడా పరిచయం చేశాడు కాబట్టి ఫుల్ హ్యాపీగా ఉన్నాడు సాయిధరమ్ తేజ్. ఈ ఆనందంలోనో లేక సరదాగా షేర్ చేశాడో తెలియదు కానీ.. ఒక ఫన్నీ వాట్సాప్ చాట్ ను షేర్ చేశాడు సాయిధరమ్ తేజ్. అంతే పాపం మనోడ్ని ఏసుకోవడం మొదలెట్టారు ట్విట్టర్లో. చేస్తే గీస్తే సినిమా అప్డేట్స్ షేర్ చేయాలి కానీ ఇలా పిచ్చి పిచ్చి స్టేటస్ అప్డేట్స్ షేర్ చేయడం ఏంటీ అంటూ ట్రోల్ చేయడం మొదలెట్టారు. పాపం ఇలా ఎక్స్ పెక్ట్ చేయని ట్రోలింగ్ ఎదురయ్యేసరికి తేజ్ కూడా షాక్ కి గురయ్యాడు. పాపం సినిమా రిలీజయ్యేవరకూ ఆ తరహా టైమ్ పాస్ పోస్ట్ లు పెట్టడేమో ఇక
