“మంచికి రోజుల్లేవురా అబ్బాయ్” అని మన పెద్దోల్లు చెబుతుంటే అర్ధం కాలేదు కానీ.. ఇవాళ సాయిధరమ్ తేజ్ సిచ్యుయేషన్ చూశాక ఆ పదానికి అర్ధం తెలిసింది. వరుస పరాజయాల అనంతరం సాయిధరమ్ తేజ్ ప్రస్తుతం తనను తాను పూర్తిస్థాయిళో మార్చుకొనే పనిలో పడి సినిమాలకు దూరంగా ఉంటున్నాడు. నిజానికి “తేజ్ ఐ లవ్ యూ” విడుదల అనంతరం మైత్రీ మూవీ మేకర్స్ నిర్మాణంలో “నేను శైలజ” ఫేమ్ కిషోర్ తిరుమల దర్శకత్వంలో “చిత్రాలహరి” (వర్కింగ్ టైటిల్) షూట్ మొదలవ్వాలి. ఆ చిత్రంలో “హలో’ ఫేమ్ కళ్యాణి ప్రియదర్శినిను కథానాయికగా ఫైనల్ కూడా చేశారు. కానీ.. “తేజ్” ఫ్లాప్ అవ్వడంతో పునరాలోచనలో పడిన తేజ్ బాబు ప్రస్తుతం మేకోవర్ లో ఉన్నాడు.
అయితే.. నిన్న “అరవింద సమేత” చిత్రాన్ని చూసి సదరు చిత్రబృందాన్ని పొగుడుతూ ఒక ట్వీట్ పెట్టాడు సాయిధరమ్ తేజ్. ఆ వెంటనే మొదలైంది కింద ఫ్యాన్స్ & నెటిజన్ల హల్ చల్. “నీ నెక్స్ట్ సినిమా సంగతేంటో చెప్పు ముందు” అని కొందరు.. “ఇలాగే పక్కవాళ్ళ సినిమాలు బాగున్నాయంటూ కామేట్స్ పెడుతూ కూర్చో” అని కొందరు కామెంట్స్ చేయడం మొదలెట్టారు. దాంతో సాయిధరమ్ తేజ్ సైలెంట్ అయిపోయాడు. పాపం హీరోగారు ఈ కష్టాల నుంచి ఎప్పుడు బయటపడటారో చూడాలి.
