టాలీవుడ్ లో మెగాస్టార్ శిబిరం నుంచి వచ్చిన అనేక మంది హీరోల్లో మన సాయి ధర్మ తేజ ఒకడు. అయితే టాలీవుడ్ లో ఎంట్రీ ఇచ్చి వరుసగా హిట్ సినిమాలు చేస్తూ దూసుకుపోయాడు తేజు. కానీ అన్ని రోజులు ఒకేలా ఉండవ్ కదా…ఒక మూడు సినిమాలు మంచి హిట్ గా నిలవడంతో ఈ హీరో మరో మెగాస్టార్ అయిపోతాడేమో అనుకున్నారు అందరూ…కానీ కుడి ఎడం అవ్వడం, తిక్క విన్నర్ రూపంలో ఫ్ల్యాప్స్ పలకరించడంతో కాస్త తగ్గాడు తేజు…అయితే నక్షత్రం సినిమాలో ఒక పవర్‌ఫుల్ రోల్ ఉంది అని కృష్ణ వంశీ చెప్పడంతో ఆ పాత్ర బాగా నచ్చి రెమ్యునిరేషన్ కూడా ఆశించకుండా ఆ పాత్ర చేసాడని టాక్. అయితే ‘నక్షత్రం’ సినిమాలో మొదట్లో తేజు రోల్ ను వారం రోజుల అతిథి పాత్ర అని చెప్పించి ఒప్పించాడట దర్శకుడు…కానీ ఆ తరువాత తేజు పాత్ర పరిధి పెంచి ఏకంగా ఈ మెగా యంగ్ హీరో పై 30 రోజుల షూటింగ్ చేసారట.
కానీ అనుకోకుండా ఈ సినిమా కూడా భారీ డిజాస్టర్ గా మారడంతో తేజు కరియర్ పూర్తిగా సందిగ్ధంలో పడిపోయింది…మరో పక్క ఈమూవీ తరువాత విడుదల కాబోయే తేజు ‘జవాన్’ సినిమా పై కూడ నెగిటివ్ ప్రచారం జరుగుతున్న నేపధ్యంలో ఈసినిమాను కొనడానికి బయ్యర్లు కూడ దొరకడం లేదు అని టాక్. దీనితో కష్టాలలో ఉన్న ఈ మెగా యంగ్ హీరో ఇక కేవలం వినాయక్ పైన మాత్రమే నమ్మకం పెట్టుకుని ఉన్నాడు. అయితే వినాయక్ టేకింగ్ మారుతున్న ప్రేక్షకుల అభిరుచికి తగ్గట్టుగా ఉండటం లేదు అని కామెంట్స్ వస్తున్న నేపధ్యంలో ఏదైనా ఒక అద్భుతం జరిగితేకాని సాయి ధరమ్ తేజ్ కోలుకోవడం కష్టం అని అంటున్నారు…చూద్దాం మరి ఏం జరుగుతుందో.
Also, do SUBSCRIBE to our YouTube channel to get latest Tollywood updates.
