రాజమౌళి తెరకెక్కిస్తున్న ‘ఆర్ఆర్ఆర్’ చిత్రంలో ఎన్టీఆర్ కు హీరోయిన్ ఇంకా దొరకలేదంట. మొదట ఇందులో తారక్ పాత్రకు జోడీగా హాలీవుడ్ నటి డైసీ ఎడ్గర్ జోనస్ ను ప్రకటించినప్పటికీ కొన్ని కారణాల వ వల్ల ఆమె ఈ ప్రాజెక్ట్ నుండీ తప్పుకుంది. దీంతో మళ్ళీ వెతుకులాట మొదలు పెట్టాడు జక్కన్న.. తనకు కావాల్సిన క్వాలిటీస్ ఉన్న నటి కోసం తీవ్రంగా శ్రమిస్తున్నాడు.
ఈ వరసలో చాలా మంది హీరోయిన్ల పేర్లు బయటకి వచ్చాయి కానీ ఎవర్నీ ఫైనల్ చేయలేదు. ఇప్పుడు మరో హీరోయిన్ పేరు బయటకు వచ్చింది. ఎన్టీఆర్ సరసన సాయి పల్లవి అయితే ఎలా బాగుంటుందని, ఆమెనే తీసుకోవాలని.. రాజమౌళి భావిస్తున్నట్టు తాజా సమాచారం. ఈ వార్తలో ఎంతవరకూ నిజముందో తెలీదు కానీ… ఈ వార్త నిజమైతే బాగుంటుందని ఎన్టీఆర్ అభిమానులు కోరుకుంటున్నారట. ఎన్టీఆర్, సాయి పల్లవి ఇద్దరూ మంచి నటులే కాబట్టి వారు ఇలా కోరుకుంటున్నట్టు తెలుస్తుంది. మరి చివరికి ఏమవుతుందో చూడాలి..!
