“కిక్” సినిమా ప్రమోషన్ టైమ్ లో ఒక ఫోటోగ్రాఫర్ తో సల్మాన్ మరియు అతని బాడీగార్డులు దురుసుగా వ్యవహరించారన్న కారణంతో.. ముంబై ఫోటో జర్నలిస్టులంతా సల్మాన్ బై బ్యాన్ ను విధించిన విషయం తెలిసిందే.
ఇప్పుడు మళ్లీ అదే తరహాలో మరో ఫోటో జర్నలిస్ట్ తో సల్మాన్ గొడవ పడినట్లు తెలుస్తోంది. “సుల్తాన్” సినిమా షూటింగ్ ప్రస్తుతం యష్ రాజ్ స్టూడియోలో జరుగుతోంది. సదరు సెట్స్ కు వచ్చిన ఓ ఫోటో జర్నలిస్ట్ అదే పనిగా సల్మాన్ మరియు లొకేషన్ ను ఫోటోలు తీయడం సల్మాన్ కు అస్సలు నచ్చలేదట. వెంటనే తన అనుచరుల ద్వారా సదరు ఫోటోగ్రాఫర్ ను దగ్గరకు పిలిపించుకొని.. “ఇలా ఫోటోలు తీయడం తప్పు” అని మందలించి పంపించేసాడంట!
