తమిళ సూపర్ స్టార్ విజయ్ వరుస విజయాలతో దూసుకుపోతున్నాడు. తాజాగా రిలీజ్ అయినా ‘సర్కార్’ మూవీ కొన్ని వివాదాల్లో చిక్కుకున్నప్పటికీ సూపర్ హిట్ టాక్ తో భారీ కలెక్షన్లు రాబడుతుంది. ఈ సినిమా సూపర్ సక్సెస్ తో ఉన్న విజయ్ తరువాత ఎవరితో సినిమా తీస్తాడు అనే ఆసక్తి అభిమానుల్లో ఉండగా కొత్త సంవత్సరం సంక్రాంతి పండుగ రోజున తన నెక్స్ట్ సినిమా ప్రారంభం అవుతుందని, రాజా రాణి ఫేమ్ అట్లీ ఈ సినిమాకు దర్శకత్వం వహించనున్నట్లు సమాచారం.
డైరెక్టర్ అట్లీ, హీరో విజయ్ కాంబినేషన్లో ‘తేరి’, ‘మెర్సల్’ వంటి సినిమాలు రాగా ఇవి బాక్సాఫీస్ దగ్గర భారీ వసూళ్లే రాబట్టాయి. ‘మెర్సల్’ తరువాత ఈ క్రేజీ కాంబినేషన్ లో రాబోతున్న ఈ సినిమా హ్యాట్రిక్ తో మరోసారి బాక్సాఫీస్ ని షేక్ చేయడం గ్యారెంటీ అని సినీ జనాలు అనుకుంటున్నారు. ఇక ఈ క్రేజీ ప్రాజెక్ట్ లో నయనతార, సమంత హీరోయిన్లుగా నటించనున్నట్లుగా తెలుస్తుంది. గతంలో నయనతార విజయ్ కలసి నటించగా, సమంత కూడా విజయ్ తో రెండు సినిమాల్లో నటించింది. మరి తమిళ్ లో మంచి క్రేజ్ ఉన్న నయనతార, సమంత కూడా ఈ హ్యాట్రిక్ కాంబో తో తోడైతే సినిమా ఏ రేంజులో ఉంటుందో చూడాలి.
