కొన్ని రోజుల్లో సమంత అక్కినేని ఇంట కోడలిగా అడుగు పెట్టబోతోంది. అంతకంటే ముందే ఆ ఇంటి కుటుంబ సబ్యులకు దగ్గరవుతోంది. వరుసలు పెట్టి పిలవడం మొదలు పెట్టింది. మొన్నటి వరకు అక్కినేని నాగార్జునను సార్ అని పిలిచిన సమంత నాగచైతన్య రారండోయ్ వేడుక చూద్దాం సినిమా రిలీజ్ సమయంలో మామగారు అంటూ పిలిచి వార్తల్లో నిలిచింది. ఇప్పుడు రానాని అన్నయ్య అంటూ వరుసలు కలిపేస్తోంది. రానా మేనత్త కొడుకే నాగ చైతన్య. రానా నానమ్మ(నాగ చైతన్య అమ్మమ్మ) చీరనే సమంత కట్టుకొని పెళ్లి పీటలపై కూర్చొనుంది.
సో ఇటు అక్కినేని కుటుంబం, అటు దగ్గుబాటి కుటుంబం .. రెండు పెద్ద కుటుంబాల మనిషిగా మారబోతోంది. ఆ ఆనందంతోనే అందరినీ వరుసతో పిలుస్తోంది. రానా తాజా చిత్రం “నేనే రాజు, నేనే మంత్రి ” సినిమా ఈ శుక్రవారం రిలీజ్ కాబోతోంది. ఈ సందర్భంగా నగరంలో రానా భారీ కటౌట్ ఏర్పాటు చేశారు. ఈ కటౌట్ ఫొటోను సమంత ట్విటర్‌లో పోస్ట్‌ చేస్తూ.. ‘అడిగడిగో నా సూపర్‌స్టార్‌ అన్నయ్య. ఫస్ట్‌ డే ఫస్ట్‌ షో’ అని ట్వీట్‌ చేసింది. ఈ ట్వీట్‌ ఇప్పుడు టాక్ ఆఫ్ టాలీవుడ్ అయింది.
Also, do SUBSCRIBE to our YouTube channel to get latest Tollywood updates.
