టాలీవుడ్ క్రేజీ బ్యూటీ సమంతను మాటల మాంత్రికుడు త్రివిక్రమ్ శ్రీనివాస్ వదలడంలేదు. వరుసగా తన చిత్రాల్లో కథానాయికగా ఆమెనే తీసుకుంటున్నారు. పవర్ స్టార్ పవన్ కళ్యాణ్ హీరో గా త్రివిక్రమ్ తెరకెక్కించిన అత్తారింటికి దారేదిలో తొలిసారి హీరోయిన్ గా సమంతను సెలక్ట్ చేశారు. అప్పుడు వీరిద్దరి మధ్య ఏర్పడిన గురు శిష్యుల బంధం ఇప్పటికీ కొనసాగుతోంది. సన్నాఫ్ సత్యమూర్తి చిత్రంలో స్యామ్ డయాబెటిక్ రోగి గా నటించటానికి ఒప్పుకుందంటే అది త్రివిక్రమ్ మీద ఉన్న నమ్మకం, గౌరవమని చెప్పాలి. ఆ తర్వాత అ..ఆ మూవీలో తన శిష్యురాలికి మాటల మాంత్రికుడు మంచి పాత్రే ఇచ్చారు.
ప్రస్తుతం త్రివిక్రమ్ పవన్ కళ్యాణ్ హీరోగా “దేవుడే దిగి వచ్చినా..” అనే మూవీని సెట్స్ మీదకు తీసుకెళ్లే ప్రయత్నం చేస్తున్నారు. ఇందుకోసం తమిళ మ్యూజిక్ డైరక్టర్ అనిరుద్ తో పాటలను కంపోజ్ చేసే పనిలో డైరక్టర్ బిజీగా ఉన్నారు. నవంబర్ నుంచి సెట్స్ మీదకు వెళ్లనున్న ఈ మూవీలో కథానాయికగా సమంతనే తీసుకోవాలని ఆలోచనలో ఉన్నారంట త్రివిక్రమ్. ఆమె ఒకే అంటే.. వీరిద్దరికి ఇది నాలో సినిమా కానుంది. హారిక హాసిని క్రియేషన్ వారు నిర్మిస్తున్న ఈ మూవీకి తప్పకుండా స్యామ్ ఒకే చెబుతుందని అందరూ అంటున్నారు. జనతా గ్యారేజ్ తర్వాత ఇప్పటి వరకు ఏ తెలుగు సినిమాకు సైన్ చేయని క్రేజీ బ్యూటీ గురు దర్శకత్వంలోనే మళ్లీ నటించనుందన్నమాట.
