క్యూట్ బ్యూటీ సమంత.. నాగచైతన్యని పెళ్లి చేసుకున్న తర్వాత తల్లి కాబోతున్నట్టు శుభవార్తని చెబుతుందని అనుకుంటే సినిమాలకు వరుసగా సంతకాలు చేస్తూ ఆశ్చర్యపరుస్తోంది. అంతే కాదు ఒకదాని మించి మరొకటి విజయాలను అందుకుంటూ దూసుకుపోతోంది. ఈ ఏడాది రంగస్థలం, మహానటి రూపంలో హిట్స్ అందుకున్న సమంత యూ టర్న్ రూపంలో హ్యాట్రిక్ కొట్టేసింది. పవన్ కుమార్ దర్శకత్వంలో తెలుగు, తమిళ భాషల్లో తెరకెక్కిన ఈ సినిమా నిన్న రిలీజ్ అయి విశేషస్పందన అందుకుంది. సినిమాని చూసిన వారందరూ ఇందులో సమంత నటనని మెచ్చుకోకుండా ఉండలేకపోతున్నారు. ఈ సినిమా ప్రమోషన్లో భాగంగా మీడియా ముందుకు వచ్చిన సమంత వ్యక్తిగత విషయాలను సైతం పంచుకున్నారు.
“తల్లి ఎప్పుడు అవుతారు?” అని సమంతని అడగగా.. ఆమె ఇలా స్పందించింది. “ఇంకా డేట్‌ ఫిక్స్‌ చేయలేదు” అని నవ్వేశారు. అంతటితో ఆపకుండా.. “దేవుడే పిల్లలు ఎప్పుడు? అనేది నిర్ణయిస్తాడు. నాకూ ఓ కుటుంబం ఉండాలని, నేనూ తల్లి కావాలని కోరుకుంటా. కాని ఆ అంశమై ఎక్కువ ఒత్తిడి పెట్టుకోను” అని స్పష్టం చేసింది. నాగ చైతన్య శైలజా రెడ్డి అల్లుడు, సమంత యు టర్న్ సినిమాలు నిన్న రిలీజ్ అయి హిట్ అందుకున్నాయి. దీంతో రెస్ట్ తీసుకొని అక్కినేని నాగార్జునకు మనవడిని ఇచ్చే పనిలో పడుతున్నారనుకుంటే “నిన్ను కోరి” వంటి సినిమా చేసిన శివ నిర్వాణ దర్శకత్వంలో కలిసి నటించడానికి గ్రీన్ సిగ్నల్ ఇచ్చారు. ఇక ఈ సినిమా తర్వాత అయినా ప్లాన్ చేస్తారేమో చూడాలి.
