ప్రజా సమస్యలపై నేతలను ధైర్యంగా ప్రశ్నించే పవర్ స్టార్ పవన్ కళ్యాణ్ కి నటి సమంత ధైర్యం చెప్పడం ఏమిటని ఆశ్చర్య పోతున్నారా? నిజమండి…బాబు. ఈ విషయాన్నీ సమంతనే స్వయంగా చెప్పింది. వారిద్దరు అత్తారింటికి దారేది సినిమాలో కలిసి నటించారు. ఆ చిత్రంలోని ఓ పాట షూటింగ్ స్విట్జర్లాండ్లో జరిగింది. అప్పుడు జరిగిన సంఘటన గురించి సమంత మాట్లాడుతూ “నేను చాలామంది స్టార్ హీరోలతో కలిసి సినిమాలు చేశాను. కానీ వారిలో పవన్ కళ్యాణ్ స్పెషల్.
అయన సెట్లో చాలా పద్ధతిగా.. హుందాగా ఉంటారు. స్విట్జర్లాండ్లో పాట షూటింగ్ సమయంలో పవన్ కి సిగ్గు ఉన్నట్లు గమనించాను. సాంగ్ చిత్రీకరణ మొదలైనప్పుడు అక్కడ జనాలు పెద్దగా లేరు. షూటింగ్ మధ్యలో కొందరు టూరిస్టులు అక్కడికి వచ్చారు. వాళ్లను చూసి పవన్ చాలా సిగ్గుపడిపోయారు. నేను స్టెప్పులేయలేనంటూ కారవాన్లో కూర్చుండిపోయారు. నేను వెళ్లి .. ఎంతమంది ఉన్నా మీరు స్టెప్ వేయగలరని ధైర్యం చెప్పా. ఆ సంఘటనను ఎప్పటికీ మరిచిపోలేను” అని చెప్పింది.
