“24” సినిమా ప్రమోషన్స్ లో భాగంగా ఇచ్చిన ఇంటర్వ్యూల్లోనే “నేను సింగిల్ గా ఉన్నాని చెప్పిందేవరు?” అని మీడియాను ప్రశ్నించి తాను సింగిల్ గా లేనని, ప్రేమలో ఉన్నానని చెప్పకనే చెప్పిన సమంత.. నిన్న ఓ ప్రముఖ పత్రికకు ఇచ్చిన ఇంటర్వ్యూలో తాను ప్రేమిస్తున్న యువకుడు కూడా సినీ నటుడే అని స్పష్టం చేసింది.
అయితే.. తనతో కలిసి నటించిన కథానాయకుడా లేక వేరే హీరోనా అనేది మాత్రం స్పష్టం చేయలేదు. సూర్య, విక్రమ్, మహేష్ బాబు, ఎన్టీయార్ వంటి కథానాయకులకు పెళ్లి అయిపోయింది కాబట్టి.. ఆమెతో కలిసి వెండితెరను పంచుకొన్న నాగచైతన్య, నితిన్, రాణాలలో ఎవరో ఒకరు అయ్యుంటారని అందరూ భావిస్తున్నారు.
ఈ ముగ్గురిలో సమంతతో ఇప్పటికే మూడు సినిమాల్లో కలిసి నటించిన నాగచైతన్య పైనే అందరి దృష్టి ఉంది. ఈ విషయంలో క్లారిటీ కావాలంటే సమంత ట్విట్టర్ లో కన్ఫర్మేషన్ ఇచ్చేవరకూ వేచి చూడాల్సిందే!
