టాలీవుడ్ అందగాడు, సూపర్ స్టార్ మహేష్ బాబు పక్కన ఎంత అందమైన హీరోయిన్ అయినా నార్మల్ గా కనిపిస్తుంది. అయితే మహేష్ పక్కన సరి జోడిగా కనబడాలంటే ఏం చెయ్యాలో సమంత సలహా ఇచ్చింది. ఈ క్యూట్ హీరోయిన్ ప్రిన్స్ పక్కన మూడో సారి కలిసి నటించింది. దూకుడు, సీతమ్మ వాకిట్లో సిరిమల్లె చెట్టు రెండూ విజయం సాధించాయి. మూడో సినిమా బ్రహ్మోత్సవం కూడా సూపర్ హిట్ అవుతుందని ధీమాగా చెబుతోంది ఈ భామ.
మహేష్ సింపుల్ డ్రస్ లు వేస్తుంటారు. అందులో అతను సూపర్ గా కనిపిస్తారు. మనం (హీరోయిన్లు ) కూడా హెవీ జువెలరీ లేకుండా, సింపుల్ డ్రస్సులు వేసుకుంటే సూపర్ స్టార్ పక్కన సూపర్ గా ఉంటామని చెప్పింది. “బ్రహ్మోత్సవం లో నేను మనసులో ఏమీ దాచుకోని అమ్మాయిగా నటించాను. ఈ సినిమాతో మేము హిట్ పెయిర్ అని మరోసారి నిరూపించుకుంటామ”ని మురిసి పోతోంది.
