తెలుగువారి అభిమాన నటిగా పేరు తెచ్చుకున్న సావిత్రి జీవితాన్ని మహానటిగా నాగ్ అశ్విన్ తెరకెక్కించారు. ఇందులో సావిత్రిగా కీర్తి సురేష్ నటించింది. ఆమె కన్నా సక్సస్, సీనియర్ హీరోయిన్ అయిన సమంత ఇందులో చిన్న రోల్ చేసింది. ఎందుకు జర్నలిస్ట్ రోల్ చేయాల్సి వచ్చిందని విమర్శించినవారు లేకపోలేదు. అయితే ఈ సినిమాలో చిన్నరోల్ చేయడానికి బలమైన కారణం ఉందని.. ఒకే ఒక్క సీన్ కోసం ఈ సినిమాకి సైన్ చేశానని సమంత మొన్న ఆడియో వేడుకలో వెల్లడించారు. అంతలా ఆకట్టుకున్న సన్నివేశం ఏమిటి? అని ఆరా తీయగా అసలు విషయం తెలిసింది.
సావిత్రి చనిపోయిన సమయంలో జనాలు ఆమె గురించి తప్పుగా మాట్లాడుకుంటుంటే.. జర్నలిస్ట్‌గా సమంత.. సావిత్రి గొప్పదనాన్ని తెలియజేసే సీన్ అని తెలిసింది. ఈ సీన్ సినిమాకి ఎంతో ప్రాణం అని అంటున్నారు. ఈ సీన్‌లో సమంత ఏడిపించేసేలా నటించిందని, సమంత లేకపోతే ఈ సినిమానే లేదు అనే రేంజ్‌లో ఆ సీన్ ఉంటుందని టాక్. మరి అదే మాట ప్రేక్షకుల నోటి వెంట రావడానికి కొన్ని రోజులు పట్టనుంది. వైజయంతి మూవీస్ బ్యానర్ పై అశ్వినీదత్ తో కలిసి స్వప్న దత్ నిర్మిస్తున్న ఈ మూవీ మే 9 న రిలీజ్ కానుంది. మోహన్ బాబు, మాళవిక నాయర్, విజయ్ దేవరకొండ, క్రిష్ తదితరులు నటిస్తున్న ఈ మూవీపై అంచనాలు రోజురోజుకి పెరిగిపోతోంది.
