తమిళ సినిమా చిత్రీకరణలో పాల్గొన్న సమంత

టాలీవుడ్ క్రేజీ నటి సమంత, యువసామ్రాట్ అక్కినేని నాగచైతన్యతో ప్రేమలో ఉందని, వారిద్దరూ త్వరలో పెళ్లి చేసుకోబోతున్నారని తెలియగానే ఇక ఈ భామ నటనకు గుడ్ బై చెబుతుందని అందరూ భావించారు. పైగా రెండు నెలలుగా ఆమె ఏ సినిమా చేస్తున్నట్లు ప్రకటనలు రాకపోవడంతో అభిమానులు బాధపడ్డారు. తాజాగా స్యామ్ ఫ్యాన్స్ సంతోషం కలిగించే పని చేసింది. కొత్త సినిమా షూటింగ్ లో జాయిన్ అయింది.

మిత్రన్ దర్శకత్వంలో తెరకెక్కుతున్న “ఇరుంబు తిరై’  సినిమా హీరోయిన్ గా నటిస్తోంది. విశాల్ హీరోగా నటిస్తున్న ఈ మూవీ షూటింగ్ చెన్నయ్ లో శుక్రవారం మొదలైంది. ఈ చిత్రీకరణలో సమంత పాల్గొన్నట్లు స్టైలిష్ నీరజ్ కోన ట్విట్టర్లో వెల్లడించింది.  వారిద్దరూ కలిసి ఉన్న ఫోటోని కూడా అప్లోడ్ చేసింది. స్యామ్ జనతా గ్యారేజ్ తర్వాత చేస్తున్న ఈ మూవీ తెలుగు, తమిళంలో ఒకే సారి విడుదల కానుంది.