సమంత మాత్రమే కాదు.. ఆమె మాటలు కూడా చాలా క్యూట్ గా ఉంటాయి. ముద్దుముద్దుగా ఆమె మాట్లాడే మాటల కోసం సినిమాకి వెళ్లేవారు చాలామందే ఉన్నారు. మరి సినిమాలో ఆమెకు మాటలే లేకపోతే… వినడానికే ఇబ్బందిగా ఉంది కదూ. అయినా ఇది నిజం. ఆమె సుకుమార్ దర్శకత్వంలో తెరకెక్కిన రంగస్థలం సినిమాలో మూగదానిగా నటించిందని ఫిలిం నగర్ వాసులు చెప్పారు. ఇప్పటికే ఇందులో రామ్ చరణ్ చెవిటి వాడిగా నటిస్తున్నట్లు టీజర్ చెప్పకనే చెప్పింది. సౌండ్ ఇంజినీర్ చిట్టి బాబుగా చరణ్ ఎలా ఆకట్టుకుంటారో చిన్న వీడియో ద్వారా చూపించారు. అలాగే మూగదానిగా సమంత ఎలా అలరిస్తుందో త్వరలోనే ఓ వీడియోని చిత్ర బృందం రిలీజ్ చేసే పనిలో ఉందని సమాచారం. ఇప్పటి వరకు సమంత మూగదానిగా నటించలేదు.
ఇందులో ఏ మేర మెప్పిస్తుందోనని అందరూ ఎదురుచూస్తున్నారు. మైత్రి మూవీ మేకర్స్ వారు నిర్మిస్తున్న ఈ సినిమాలో యాంకర్ అనసూయ ఓ కీలక రోల్ పోషిస్తోంది. జగపతి బాబు, ఆది తదితరులు ప్రత్యేక పాత్రలు పోషించిన ఈ మూవీ మార్చి 30 న రిలీజ్ కానుంది. రాక్ స్టార్ దేవీ శ్రీప్రసాద్ సంగీతమందిస్తున్న ఈ సినిమా సంచలనం సృష్టిస్తుందని మెగా అభిమానులు అంచనా వేస్తున్నారు. టీజర్ ద్వారా రికార్డులు నెలకొల్పిన రంగస్థలం రిలీజ్ అయినా తర్వాత మరిన్ని రికార్డులు బద్దలు కొట్టడం ఖాయమని సినీ విశ్లేషకులు భావిస్తున్నారు.
