ఇంకో నాలుగు రోజుల్లో తన ప్రియుడు నాగచైతన్యను పెళ్లాడి అతడి జీవిత భాగస్వామిగా మారనున్న సమంత.. పెళ్లి అనంతరం హనీమూన్ ట్రిప్ ప్లాన్ చేయడం మానేసి అప్పుడే తదుపరి సినిమాలకు డేట్స్ ఇచ్చేస్తోందట. ఎంత వర్కహాలిక్ అయినప్పటికీ.. ఇలా హనీమూన్ కూడా జరుపుకోకుండా సినిమా షూటింగుల్లో బిజీ అయిపోవడం ఎంతవరకూ సబబు అని మావగారు నాగార్జున అడిగినా.. “పని ముఖ్యం మావగారు” అంటూ గడుసుగానే సమాధానమిచ్చిందట సమంత.
అయితే సమంత మరీ ఇంతలా కంగారు పడడం వెనుక పెద్ద కారణమే ఉందని తెలుస్తోంది. ప్రస్తుతం విజయ్ సరసన నటించిన “మెర్సాల్” (తెలుగులో “అదిరింది”), విజయ్ సేతుపతి సరసన నటించిన మరో తమిళ చిత్రం ప్రమోషన్స్ తోపాటు ఓ బాలీవుడ్ సినిమా కూడా సమంత అంగీకరించిందట. ప్రొజెక్ట్ డీటెయిల్స్ ఇంకా తెలియనప్పటికీ.. పెళ్లి తర్వాత సమంత ఎనౌన్స్ చేయబోయే మొదటి ప్రొజెక్ట్ ఆ హిందీ చిత్రమేనని వినికిడి. ఆల్రెడీ బాలీవుడ్ లో తన గురువు గౌతమ్ మీనన్ కోసం “ఏం మాయ చేసావె” హిందీ రీమేక్ లో ప్రత్యేక పాత్ర పోషించిన సమంత హీరోయిన్ గా ఎవరి దర్శకత్వంలో, ఎవరికి జంటగా నటిస్తోంది అనే విషయం తెలియాలంటే మాత్రం కొన్నాళ్లు ఆగాల్సిందే.
