యంగ్ టైగర్ ఎన్టీఆర్ హీరోగా ప్రముఖ దర్శకుడు కొరటాల శివ దర్శకత్వంలో తెరకెక్కుతున్న చిత్రం జనతా గ్యారేజ్. అయితే ఈ చిత్రం రానున్న ఆగష్టు నెలలో అభిమానులను అలరించేందుకు సిద్దంగా ఉంది. ఇదిలా ఉంటే తాజాగా జరిగిన ఎన్టీఆర్ 33వ పుట్టిన రోజు సంధర్భంగా ఈ సినిమాలోని ఫర్స్ట్ లుక్ ని అభిమానులకు కానుకగా అందించాడు ఎన్టీఆర్. అయితే ఈ లుక్ పై సర్వత్రా సూపర్ అంటూ కితాబులు వచ్చాయి. ఇక మరో పక్క సినిమా సెలెబ్రేటీస్ సైతం ఈ లుక్ విషయంలో ఫిదా అయిపోయారు. ఇంతవరకూ బాగానే ఉంది.
అసౌ విషయం ఇక్కడే మొదలయ్యింది. ఈ లుక్ పై టాలీవుడ్ బర్నింగ్ స్టార్ సంపూర్నెష్ బాబు సైతం తన అభిప్రాయాన్ని తెలుపుతూ…ఓ పంచ్ డైలాగ్ విసిరి మరీ ఎన్టీఆర్ పై తనకున్న అభిమానాన్ని చాటుకున్నాడు. ఎన్టీఆర్ నటించిన బృంధావనంలో ఒక డైలాగ్ ఉంటుందికదా అదే….సిటీ నుంచి వచ్చాడు, స్మార్ట్ గా లవర్ బోయ్ లా ఉన్నాడు అనుకున్నావేమో, లోపల ఒరిజినల్ అలానే ఉంది అని, అదే డైలాగ్ ను సంపూ తన స్టైల్ లో “సైడ్ యాంగిల్ లో ఉన్నాడు, సైడ్ అయిపోతాడనుకున్నారేమో, నేరుగా ఫేస్ చేసే దమ్ము వచ్చినప్పుడు విశ్వరూపమే అంటూ పంచ్ ఇచ్చాడు. ఇక ఈ న్యూస్ చూసిన అభిమానులంతా ఆనందంతో ఊగిపోతున్నారు.
