‘గగనం’, ‘కత్తి’, ‘మిస్టర్ నూకయ్య’ వంటి చిత్రాల్లో నటించిన సనా ఖాన్.. తమిళ, హిందీ చిత్రాల్లో కూడా నటించింది. హిందీ బిగ్ బాస్ సీజన్ 6లోనూ పాల్గొంది. డాన్స్ మాస్టర్ మెల్విన్ తో కొన్నాళ్లు ప్రేమాయణం నడిపించిన ఈమె అతడికి బ్రేకప్ చెప్పేసింది. ఆ తరువాత అక్టోబర్ నెలలో తాను నటనకు గుడ్ బై చెబుతున్నట్లు ప్రకటించి షాకిచ్చింది. అలా ప్రకటించిన నెల రోజులకే గుజరాత్ కి చెందిన వ్యాపారవేత్తముప్తీ అనాజ్ ని పెళ్లి చేసుకొని వైవాహిక జీవితంలోకి అడుగుపెట్టింది.
ఈ క్రమంలో భర్త చెప్పిన కారణంగానే సనా సినిమాలకు స్వస్తి చెప్పిందనే వార్తలు పుట్టుకొచ్చాయి. తాజాగా ఈ విషయంపై సనా భర్త అనాజ్ నేషనల్ మీడియాతో మాట్లాడారు. సనాకి ఎప్పుడూ కూడా ఏ విషయంలో ఆంక్షలు విధించలేదని.. ఇన్స్టాగ్రామ్ లో తన నిర్ణయం ప్రకటించగానే షాకైనట్లు చెప్పారు. కరోనా కాలం కాబట్టి పని దొరక్క ఆమె సినిమాలు మానేసిందని చాలా మంది అనుకున్నారని.. కానీ అది నిజం కాదని తనకు నటన మీద ఆసక్తి తగ్గిందని.. అందుకే సినిమాల నుండి తప్పుకున్నట్లు క్లారిటీ ఇచ్చారు.
అలానే తమ పెళ్లిపై కూడా కామెంట్స్ చేశారు. సనాని పెళ్లి చేసుకోవాలని కోరుకున్నానని.. తను కాకుండా వేరే ఎవరు తన జీవితంలోకి వచ్చినా.. ఇంత సంతోషంగా ఉండేవాడిని కాదంటూ చెప్పుకొచ్చారు. ఆమె మనసు ఎంతో మంచిదని.. చాలా మంది అసలు హీరోయిన్ ని ఎలా పెళ్లి చేసుకున్నావ్ అని అడిగారని.. అది వారి సంకుచిత మనస్తత్వానికి నిదర్శనమని అన్నారు. ఇది మా జీవితం.. మా గురించి ఎవరూ మాట్లాడాల్సిన అవసరం లేదంటూ స్పష్టం చేశారు.
Most Recommended Video
