“అర్జున్ రెడ్డి”తో టాలీవుడ్లో, “కబీర్ సింగ్”తో బాలీవుడ్లో సంచలన విజయాలు సొంతం చేసుకొన్న సందీప్ రెడ్డి వంగా ఇప్పుడు మోస్ట్ వాంటెడ్ ఫిలిమ్ మేకర్స్ లో ఒకడు. ఎప్పుడో “అర్జున్ రెడ్డి” టైమ్ లోనే తాను మహేష్ కోసం ఒక కథ రాసుకొన్నాని, పాయింట్ మహేష్ కి నచ్చిందని, త్వరలోనే పూర్తి కథను కూడా ఆయనకు చెప్పనున్నానని స్వయంగా సందీప్ పలు సందర్భాల్లో చెప్పుకొచ్చిన విషయం తెలిసిందే. అయితే.. ఆ ప్రొజెక్ట్ ఎప్పుడు సెట్స్ మీదకు వెళ్తుంది అనే విషయంలో మాత్రం క్లారిటీ లేకుండాపోయింది.
అయితే.. సందీప్ సడన్ గా సల్మాన్ ఖాన్ ప్రొజెక్ట్ ఎనౌన్స్ చేసేసరికి, మహేష్ బాబుతో ప్లాన్ చేసిన ప్రొజెక్ట్ అటకెక్కిందనుకొన్నారు జనాలు. కానీ.. తాజా సమాచారం ప్రకారం మహేష్ బాబు ఇటీవలే సందీప్ ప్రొజెక్ట్ ను ఒకే చేశాడని, “సరిలేరు నీకెవ్వరు” తర్వాత స్టార్ట్ చేసేది సందీప్ రెడ్డి ప్రొజెక్టే అని తెలుస్తోంది. సందీప్ రెడ్డి ముందుగా చెప్పినట్లుగా ఇది వైవిధ్యమైన సినిమానా లేక కమర్షియల్ సినిమా అనేది తెలియాలంటే మాత్రం కొన్నాళ్లపాటు వెయిట్ చేయాల్సిందే.
