పవన్ కళ్యాణ్ ‘సర్దార్ గబ్బర్‌సింగ్‌’ ఆడియో వేడుక అట్టహాసంగా జరిగింది. మెగా అభిమానుల కేరింతలతో నోవాటెల్‌ దద్దరిల్లింది. వేడుకకు ముఖ్యఅతిథిగా విచ్చేసిన మెగా స్టార్ చిరంజీవి.. పవన్, చిత్ర బృందం గురించి సుదీర్గంగా మాట్లాడారు. చాలా రోజుల తరువాత పవన్ నటించిన చిత్రానికి అతిథిగా రావడం ఆనందంగా వుందన్నారు. అయితే రామ్ పూర్ అని సెట్స్ వేసి బాలీవుడ్ లో రికార్డ్స్ సృష్టించిన ‘షోలే’ సినిమాను తీశారు.
నేను సర్దార్ సెట్స్ చూడడానికి వెళ్ళినప్పుడు షోలే సినిమా గుర్తొచ్చింది. రతన్ పూర్ అనే సెట్స్ వేసి సినిమా చేశారు. నాకు ఆ సెట్స్ చాలా రియలిస్టిక్ గా కనిపించాయి. బాలీవుడ్ క్లాసిక్‌ షోలే సినిమాలా ‘సర్దార్ గబ్బర్‌సింగ్‌’ కొత్త రికార్డులు సృష్టిస్తుందని అభిప్రాయపడ్డారు. ఈ సందర్భంగా చిత్ర యూనిట్ కు అల్ ది బెస్ట్ చెప్పిన మెగా స్టార్ .. ఈ చిత్రం ఎన్నో రికార్డులను బద్దలుకొట్టాలని.. ఆ రికార్డులు కూడా వేరే చిత్రం బీట్ చేయాలనీ, ఇలా పరిశ్రమలో ఆరోగ్యకరమైన పోటీతో ముందుకు సాగాలని చెప్పారు.
