స్టైలిష్ స్టార్ అల్లు అర్జున్, మాస్ డైరెక్టర్ బోయపాటి శ్రీను కలయిక లో వస్తున్న మాస్ యాక్షన్ మసాలా “సరైనోడు”. నిన్న ఆదివారం సెలవు దినాన, విశాఖ తీరాన సందడి చేశాడు మన స్టైలిష్ స్టార్. నిన్న జరిగిన ఆడియో వేడుకలో ట్రైలర్ సైతం ప్రేక్షకుల ముందుకు వచ్చింది. ఇప్పటికే ‘మాస్…ఊరమాస్’ అన్న డైలాగ్ తో విడుదలయిన టీజర్ అభిమానులను అలరిస్తుంటే, ఇప్పడు ఏకంగా ఒకటిన్నర నిమిషాల ట్రైలర్ వేశవిని మరింత వేడిగా మార్చింది. అయితే ఇంతకీ ట్రైలర్ ఎలా ఉంది? అభిమానుల అంచనాలను అందుకుందా అంటే? ఈ స్టోరీ చదవాల్సిందే…అభిమానుల లెక్కల ప్రకారం చూస్తే ట్రైలర్ అధిరి పోయింది.
బన్నీ స్టైల్, లుక్స్, యాక్షన్, డైలాగ్స్ అబ్బో కుమ్మెశాయి అంతే, సమ్మర్ బ్లాక్ బస్టర్ ఈ సరైనోడు అంటే అతిశయోక్తి కాదు. అంతేకాకుండా ”ఎదుటోడితో పెట్టుకోవాలంటే ఉండాల్సింది బ్రాండ్ కాదు.. ఇక్కడ దమ్ము.. చూస్తావా?” అంటూ బన్నీ వేసే మాస్ పంచ్ అభిమానులకు కిర్రెక్కిస్తుంది. ‘ఎనీటైమ్ ఎనీవేర్ నేను రెడీ’ అంటూ బన్నీ విసిరే సవాల్ అతని ఫ్యాన్స్ ను మెస్మెరైస్ చేస్తుంది. ఇంతవరకూ బాగానే ఉంది కానీ, ఈ ట్రైలర్ చూస్తుంటే సామాన్య ప్రేక్షకులకు మాత్రం కాస్త నచ్చి నచ్చనట్లుగా అనిపిస్తుంది. దానికి గల కారణం బోయపాటి రొటీన్ యాక్షన్ ట్రైలర్. అంతేకాకుండా ఈ దర్శకుడు గత సినిమాల్లో డైలాగ్స్ అభిమానులకే కాదు, అటు ప్రేక్షకులకు కూడా బాగా కనెక్ట్ అయ్యాయి. కానీ, ఈ ట్రైలర్ లో డైలాగ్స్ ఎందుకో సింక్ కాలేదేమో అన్న అనుమానం సగటు సామాన్య ప్రేక్షకుల్లో ఉంది. మరి ఈ అనుమానాలన్నీ మన దర్శకుడు సినిమాలో క్లియర్ చేస్తాడేమొ చూడాలి.
