సినీ పరిశ్రమలో ఉండే క్యాస్టింగ్ కౌచ్ గురించి ఎప్పటికప్పుడు డిస్కషన్ నడుస్తూనే ఉంటుంది. ఇటీవల చిరంజీవి వంటి స్టార్ హీరోలు అయితే క్యాస్టింగ్ కౌచ్ లేదు అంటూ చేసిన కామెంట్స్ పై మిక్స్డ్ ఒపీనియన్స్ వచ్చాయి.
తర్వాత నిహారికా కూడా చిరు కామెంట్స్ పై క్లారిటీ ఇవాల్సి వచ్చింది. ఇదిలా ఉంటే.. తాజాగా క్యాస్టింగ్ కౌచ్ పై సీనియర్ నటి సత్యకృష్ణ(Satya Krishnan) కూడా స్పందించారు. అందరి నటీమణుల్లా కాకుండా ఈమె క్యాస్టింగ్ కౌచ్ గురించి చాలా బ్యాలన్స్డ్ గా సెన్సిబుల్ గా మాట్లాడింది.
సత్యకృష్ణ ఈ విషయంపై స్పందిస్తూ.. “సినిమా ఇండస్ట్రీలో ఉండే క్యాస్టింగ్ కౌచ్ గురించి అందరూ మాట్లాడతారు.కానీ నిజానికి ప్రతి రంగంలో ఇది ఉంటుంది. కానీ సినీ పరిశ్రమలో ఉండే ఈ క్యాస్టింగ్ కౌచ్ గురించే ఎక్కువగా మాట్లాడుకుంటారు. ఎందుకంటే ఇదొక ఓపెన్ ప్లాట్ఫామ్. ఇక్కడి విషయాలు ఇట్టే ప్రచారమవుతాయి. జనాలు కూడా ఇక్కడి వ్యవహారాలనే హైలెట్ చేస్తూ మాట్లాడుతూ ఉంటారు. అందంగా ఉండే మహిళల పట్ల ఆకర్షణ కలగడం సహజం. కానీ అమ్మాయిలు ఈ విషయంలో నిబద్దత కలిగి ఉండాలి.
అవతలి వ్యక్తి తన పరిమితులు దాటుతున్నాడు అనే డౌట్ వచ్చిన వెంటనే ‘నో’ చెప్పే ధైర్యం ఉండాలి.నాకు వ్యక్తిగతంగా ఇలాంటి అనుభవాలు ఎదురుకాకపోయినా, నా తోటి మహిళలు పడుతున్న ఇబ్బందులను చూశాను. ‘సినిమా కాకపోతే నాకు లైఫ్ లేదు’ అని అనుకునే వాళ్లే అవకాశాల ఎక్కువ శాతం లొంగిపోతున్నారు. అది సరైన పద్ధతి కాదు. మనకు టాలెంట్ ఉంటే మరెన్నో అవకాశాలు ఎప్పుడైనా వస్తాయి ఎలా అయినా వస్తాయి అనే నమ్మకం కలిగి ఉండాలి. మనలో ఆత్మవిశ్వాసం తగ్గిపోకూడదు.
అయితే ఇంకొందరు మొదట అవకాశాల కోసం ‘కమిట్మెంట్’కు రెడీ అయిపోతున్నారు. ఆ తర్వాత అవకాశాలు తగ్గిపోతే.. ఆ అంశాన్ని తీసుకుని రచ్చ చేస్తున్నారు.ఏదేమైనా మన ప్రవర్తనను బట్టే ఎదుటివారు మనతో ప్రవర్తిస్తారు. బలవంతం చేసే సాహసం ఎవరూ చేయరు కదా. ఒకవేళ చేసినా అప్పటికప్పుడే ఎదురుతిరిగే శక్తి మనకు ఉండాలి. ఇండస్ట్రీకి కొత్తగా వచ్చే అమ్మాయిలు ఇది గుర్తుపెట్టుకోవాలి” అంటూ హితవు పలికారు.
