తమిళంలో రెబల్ స్టార్ గా ఓ వెలుగు వెలిగాడు సత్యరాజ్. హీరోగా ఎన్నో హిట్టలందుకున్న సత్యరాజ్ ‘బాహుబలి’ చిత్రంతో ఇండియా వైడ్ బాగా పాపులారిటీ దక్కించుకున్నాడు. ముఖ్యంగా టాలీవుడ్లో.. వరుస ఆఫర్లు ఆయన్ని వెతుక్కుంటూ వస్తున్నాయి. ఇప్పటికే గోపీచంద్ ,ప్రభాస్, రామ్, మహేష్ బాబు, నాని, విజయ్ దేవరకొండ వంటి హీరోల చిత్రాల్లో నటించి మంచి క్రేజ్ సంపాదించుకున్నాడు. ముఖ్యంగా నటనకు ప్రాధాన్యత ఉన్న పాత్రల్లో దర్శకులు సత్యరాజ్ ను ఏరి కోరి ఎంపిక చేసుకుంటున్నారు.
ఇందులో భాగంగా ఇప్పుడు ఓ మెగా హీరో చిత్రంలో నటించబోతున్నట్టు సమాచారం. వివరాల్లోకి వెళితే.. సాయి తేజ్, మారుతీ కాంబినేషన్లో తెరకెక్కుతున్న ‘ ప్రతి రోజు పండగే’ చిత్రంలో కీలక పాత్ర పోషిస్తున్నాడట. ఈ విషయాన్ని స్వయంగా హీరో సాయి తేజ్ తెలియజేయడం విశేషం. ‘సత్యరాజ్ గారు ‘ప్రతీరోజు పండగే’ చిత్రంలో నాకు తండ్రిగా నటిస్తున్నారంటూ’ తన సోషల్ మీడియాలో తెలియజేసాడు.
