పాపం పరిచయ చిత్రమైన “అఖిల్” డిజాస్టర్ అయ్యింది కానీ.. లేదంటే మొదటి సినిమాతోనే స్టార్ హీరోయిన్ గా నిలదొక్కుకోగల అన్నీ లక్షణాలు పుష్కలంగా ఉన్న కథానాయిక సయేషా. బలమైన బాలీవుడ్ నేపధ్యం, అందం, అభినయం, నృత్యం వంటి అన్నీ ఉన్నప్పటికీ లక్ కలిసిరాకపోవడంతో తెలుగులో “అఖిల్”, హిందీలో “శివాయ్” చిత్రాలతో ఫ్లాప్ అందుకొని బాగా ఢీలాపడింది. ఆ తర్వాత అమ్మడికి కోలీవుడ్ లో వరుస సినిమా ఆఫర్లు వచ్చాయి. అన్నీ కమర్షియల్ గా హిట్ అవ్వకపోయినా హీరోయిన్ గా మెలమెల్లగా గుర్తింపు తెచ్చుకోవడం మొదలైంది.
దాంతో ఇప్పుడు అమ్మడు ఏకంగా సూపర్ స్టార్ సూర్య సరసన నటించే అవకాశాన్ని సొంతం చేసుకొంది. “వీడొక్కడే, బ్రదర్స్” అనంతరం కె.వి.ఆనంద్-సూర్యల కాంబినేషన్ లో తెరకెక్కనున్న ఈ చిత్రం త్వరలో ప్రారంభం కానుండగా.. ఆల్రెడీ అల్లు శిరీష్ ఈ చిత్రంలో కీలకపాత్ర పోషిస్తున్నాడని అఫీషియల్ న్యూస్ కూడా వచ్చింది. సూర్య 37వ సినిమాగా రూపొందుతున్న ఈ చిత్రం త్వరలోనే రెగ్యులర్ షూటింగ్ ప్రారంభించుకోనుంది. ఎప్పట్లానే కె.వి.ఆనంద్ మార్క్ టిపికల్ ఫిలిమ్ గా ఈ సినిమా తెరకెక్కనుంది. ఈ సినిమాతో సయేసా సూపర్ స్టార్ హీరోయిన్ అయిపోతుందేమో చూడాలి.
