అల్లు అర్జున్ ముద్దుల కుమార్తె పేరు వెనుక దాగిన రహస్యం!

  • December 26, 2016 / 07:43 AM IST

స్టైలిష్ స్టార్ అల్లు అర్జున్‌ సినిమాల విషయంలో వినూత్నంగా ఆలోచించడమే కాదు, జీవితంలోను అదే పద్ధతిని ఫాలో అవుతుంటారు. తన గారాల పట్టికి పేరును స్పెషల్ గా పెట్టి తన ప్రత్యేకతను చాటుకున్నారు. అల్లు అర్జున్‌ భార్య స్నేహారెడ్డి నవంబరు 21న పాపకి జన్మనిచ్చారు. ముద్దులొలుకుతున్న ఆ చిన్నారికి అర్హ అని నామకరణం చేశారు. ఆ విషయాన్ని క్రిస్మస్ సందర్భంగా బన్నీ ఆదివారం ట్వీట్‌ చేశారు. అర్హ ఫొటోను కూడా పోస్ట్ చేశారు.

పాపకి ఈ పేరు పెట్టడంలో ఓ ఆసక్తికర సంగతి దాగుంది. అర్జున్ పేరులోని మొదటి రెండక్షరాలు ఏ, ఆర్‌… స్నేహ పేరులోని చివరి రెండక్షరాలు హెచ్‌, ఏను కలిపి అర్హ అని పేరు పెట్టారు. అంటే ఆ అమ్మాయి నాన్నలో సగం, అమ్మలో సగం అన్నమాట. అంతేకాదు హిందూ మతం ప్రకారం అర్హ అంటే శివుడు అని, ఇస్లాం ప్రకారం ప్రశాంతత, నిర్మలమైనది అని అర్థం వస్తుందని బన్నీ ట్వీట్‌లో వివరించారు. ప్రస్తుతం అల్లు అర్జున్ దువ్వాడ జగన్నాథం సినిమాలో నటిస్తున్నారు. హరీష్ శంకర్ దర్శకత్వంలో తెరకెక్కుతున్న ఈ మూవీ మార్చిలో రిలీజ్ కానుంది.

Also, do SUBSCRIBE to our YouTube channel to get latest Tollywood updates.

Read Today's Latest Featured Stories Update. Get Filmy News LIVE Updates on FilmyFocus