“రన్ రాజా రన్”తో హీరోయిన్ గా పరిచయమైన రింగుజుట్టు సుందరీమణి సీరత్ కపూర్ అనంతరం రెండుమూడు సినిమాల్లో నటించినప్పటికీ సదరు సినిమాలు సూపర్ ఫ్లాప్ లుగా నిలవడంతో అమ్మడి కెరీర్ ఖతం అనుకొన్నారందరూ. అయితే.. ఆశ్చర్యకరంగా ఏకంగా కింగ్ నాగార్జున సరసన నటించే అవకాశాన్ని సొంతం చేసుకొంది సీరత్ కపూర్. నాగార్జున కీలకపాత్రధారిగా ఓంకార్ తెరకెక్కిస్తున్న “రాజుగారి గది 2″లో హీరోయిన్ ఛాన్స్ దక్కించుకొంది సీరత్.
నాగార్జున క్యారెక్టర్ ఏంటనేది ఇంకా తెలియనప్పటికీ.. సీరత్ కపూర్ మాత్రం డ్యాన్సర్ క్యారెక్టర్ ను ప్లే చేస్తుందట. నాగార్జునతోనూ మాంచి రోమాంచితమైన డ్యాన్స్ నెంబర్ ఉందని, సెకండ్ షెడ్యూల్ లో ఆ సాంగ్ కు సంబంధించిన షూటింగ్ లో పాల్గొంటానని సీరత్ చెప్పుకొచ్చింది. ఇకపోతే.. నాగార్జున నటిస్తున్న “ఓమ్ నమో వెంకటేశాయ” ఫిబ్రవరి 14న విడుదల కానుండగా.. ఏప్రిల్ నెలాఖరుకు “రాజుగారి గది 2″ను ప్రేక్షకుల ముందుకు తీసుకువచ్చేందుకు చిత్ర నిర్మాణ సంస్థ “పివిపి” ప్రిపేర్ అవుతున్నట్లు సమాచారం!
Also, do SUBSCRIBE to our YouTube channel to get latest Tollywood updates.
