రన్ రాజా రన్ సినిమాతో సీరత్ కపూర్ తెలుగువారికి పరిచయమైంది. సుజీత్ దర్శకత్వంలో వచ్చిన ఈ మూవీ విజయం సాధించినప్పటికీ కర్లీ హెయిర్ సుందరికి అవకాశాలేమి రాలేదు. చాలాకాలం తర్వాత ఓంకార్ తెరకెక్కిస్తున్న రాజుగారి గది 2లో నాగార్జున సరసన సీరత్ కపూర్ నటిస్తోంది. ఆ సినిమా రిలీజ్ కాకముందే మరో మంచి ఛాన్స్ కొట్టేసింది. మాస్ మహారాజ్ రవితేజ్ తో స్క్రీన్ పంచుకోవడానికి రెడీ అయింది. మాస్ మహారాజ రవితేజ ‘బెంగాల్ టైగర్’ తర్వాత సిరికొండ దర్శకత్వంలో “టచ్ చేసి చూడు” సినిమాని ఒకే చేశారు.
ప్రస్తుతం షూటింగ్ జరుపుకుంటున్న ఈ మూవీలో ప్రధాన హీరోయిన్ గా రాశీ ఖన్నా నటిస్తోంది. ఈ మధ్య రవితేజ, రాశీలపై కొన్ని సీన్స్ షూట్ చేశారు. ఇక ఇందులో రెండో హీరోయిన్ గా కొన్ని పేర్లు పరిశీలించిన చిత్ర బృందం చివరికి సీరత్ కపూర్ ని ఖరారు చేసింది. ఈమె త్వరలో చిత్రీకరణలో జాయిన్ కానుంది. లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), వల్లభనేని వంశీమోహన్ నిర్మిస్తున్న “టచ్ చేసి చూడు” పై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
