జూనియర్ ఎన్టీఆర్ కి కూడా 9 అదృష్ట అంకె. అందుకోసమే అత్యధిక రేటు చెల్లించి తన కార్ కి 9999 నంబర్ ని సొంతం చేసుకున్నారు. ట్విట్టర్ లోను తారక్ 9999 అని పెట్టుకున్నారు. తారక్ బాబీ దర్శకత్వంలో చేస్తున్న జై లవకుశ సినిమా తన కెరీర్ లో 27 వది. అంకెలను కలిపితే 9 వస్తుంది. అందుకే తన అదృష్ట అంకె సినిమాని ఎన్టీఆర్ ఆర్ట్స్ బ్యానర్లో చేస్తున్నారు. అయితే చిత్ర బృందం ఆ విషయాన్ని దృష్టిలో పెట్టుకొని సినిమాకి సంబందించిన ప్రతి కీలక రిలీజ్ ని 9 అంకె వచ్చేలా ప్లాన్ చేశారు. ఆ మూవీ విజయం సాధించింది. ఇప్పుడు త్రివిక్రమ్ దర్శకత్వంలో చేస్తున్న “అరవింద సమేత” సినిమాకి కూడా అదే సెంటిమెంట్ ఫాలో అవుతున్నారు.
ఈ చిత్రం పాటల విడుదల సమయాన్ని పరిశీలించినట్లయితే ప్రతీ ఒక్క పాట కూడా 4 గంటల 50 నిమిషాలకే విడుదల చేస్తున్నారు. ఒక్కక్క పాటనే కాకుండా మొత్తం అన్ని పాటలను కూడా అదే సమయానికి విడుదల చేశారు. ఈ అంకెలను సరిగ్గా గమనించినట్లయితే ఈ 4 , 5 లను కలిపితే 9 వస్తుంది. అలాగే నిన్న విడుదల చేసిన “ఏడ పోయినాడో” లిరికల్ పాట కూడా 04:50 నిమిషాలకే విడుదల చేశారు. సో ఈ చిత్రానికి తారక్ సెంటిమెంట్ ని జోడించారు. మరి ఈ సినిమా కూడా హిట్ అవుతుందని భావిస్తున్నారు. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న మూవీ వచ్చేనెల 11 న థియేటర్లో హంగామా చేయనుంది.
