‘రన్ రాజా రన్’ ఫేమ్ సుజీత్ డైరెక్షన్లో యంగ్ రెబల్ స్టార్ ప్రభాస్ నటిస్తున్న ‘సాహో’ ప్రస్తుతం రామోజీ ఫిలిం సిటీ లో షూటింగ్ ను జరుపుకుంటున్న సంగతి తెలిసిందే. తెలుగు తో పాటూ హిందీ, తమిళ భాషల్లో ఈ చిత్రాన్ని భారీ స్థాయిలో విడుదలచేయబోతున్నారు. ప్రభాస్ పుట్టినరోజు సందర్బంగా విడుదల చేసిన ‘షేడ్స్ అఫ్ సాహూ చాప్టర్ 1’ మేకింగ్ వీడియో కి అనూహ్య స్పందన లభించిన సంగతి తెలిసిందే. ఈ మేకింగ్ వీడియో సినిమా పై అంచనాలను అమాంతం పెంచేసిందనే చెప్పాలి. ఇక త్వరలోనే మరో మేకింగ్ వీడియోని విడుదల చేయాలని చిత్ర యూనిట్ భావవిస్తున్నట్టు సమాచారం.
తాజా సమాచారం ప్రకారం… మార్చి 3 న ఈ చిత్ర హీరోయిన్… శ్రద్ధా కపూర్ పుట్టిన రోజు కావడంతో ‘షేడ్స్ అఫ్ సాహూ చాఫ్టర్ 2’ ను విడుదల చేయబోతున్నారట. ‘యూవీ క్రియేషన్స్’ సంస్థ పై వంశీ, ప్రమోద్ లు ఈ చిత్రాన్ని నిర్మిస్తున్నారు. నీల్ నితిన్ ముఖేష్, చుంకీ పాండే, జాకీ ష్రాఫ్, టిన్ను ఆనంద్, మందిరా బేడీ వంటి కొందరు బాలీవుడ్ నటులు ఈ చిత్రంలో నటిస్తున్నారు. దాదాపు 200 కోట్ల భారీ బడ్జెట్ తో నిర్మిస్తున్న ఈ చిత్రాన్ని ఆగస్టు 15 న విడుదల చేయడానికి చిత్ర యూనిట్ ప్లాన్ చేస్తుంది.
