“అర్జున్ రెడ్డి” సినిమాతో షాలిని పాండే ఎనలేని గుర్తింపును సాధించింది. స్టార్ హీరోయిన్ క్రేజ్ సొంతంచేసుకుంది. తెలుగు, తమిళం అని తేడా లేకుండా వరుసగా ఆఫర్లు అందుకుంటోంది. అర్జున్ రెడ్డి తర్వాత తమిళంలో “100% లవ్” రీమేక్‌కి సైన్ చేసిన ఈ భామ… సావిత్రి బయోపిక్ మహానటి లో ఓ రోల్ పోషించింది. గాయని సుశీలగా ఆకట్టుకోనుంది. ఈ సినిమా రేపు రిలీజ్ కానుంది. ఇక మహేష్ బాబు 25 వ చిత్రంలోనూ అల్లరి నరేష్ కి జోడీగా ఒకే చెప్పింది. అంతేకాదు ప్రముఖ సినిమాటోగ్రఫర్ గుహన్ దర్శకత్వంలో నటించడానికి గ్రీన్ సిగ్నల్ ఇచ్చింది.
“గుహన్ చెప్పిన స్క్రిప్ట్ కి వెంటనే కనెక్ట్ అయ్యాను. అందుకే ఒకే చెప్పేసాను. అర్జున్ రెడ్డి లో పోషించిన రోల్ కి ఇది పూర్తిగా డిఫెరెంట్. సొంతంగా, నిర్భయంగా జీవించే ఓ అమ్మాయి రోల్ ఇది. తనకు ఏమి కావాలో స్పష్టంగా తెలిసిన పిల్లగా నటించపోతున్నాను” ” అని షాలిని వివరించింది. ఇంకా మాట్లాడుతూ..”నాకు నటనంటే ఇష్టం. పైగా కొత్త కొత్త పాత్రలో కనిపించడం అనేది నా కల. అందుకే చేసిన రోల్ చేయడం ఇష్టముండదు. ఈ రోల్ మిమ్మల్ని తప్పకుండా థ్రిల్ చేస్తుంది” అని అర్జున్ రెడ్డి భామ వెల్లడించింది. కళ్యాణ్ రామ్ హీరోగా నటిస్తున్న ఇందులో మరో హీరోయిన్ గా నివేదా థామస్ కనిపించనుంది.
