సౌత్ సినిమాలను ప్రపంచ స్థాయిలో గుర్తింపు తీసుకొచ్చిన దర్శకుల్లో శంకర్ ఒకరు. ‘జెంటిల్ మెన్’ సినిమా నుండి ‘2.0’ వరకు ఆయన తీసిన సినిమాను అభిమానులను ఆకట్టుకున్నాయి. ప్రస్తుతం ఆయన ‘ఇండియన్ 2’ సినిమాను తెరకెక్కిస్తున్నారు. రెండు దశాబ్దాల క్రితం వచ్చిన బ్లాక్ బస్టర్ సినిమా ‘ఇండియన్’కు ఇది సీక్వెల్. అయితే ఈ సినిమా రకరకాల కారణాల వలన ఆలస్యమవుతూ వస్తోంది. షూటింగ్ స్పాట్ లో పొరపాట్ల వలన టెక్నీషియన్లు చనిపోవడం, పాలిటిక్స్ కారణంగా కమల్ సినిమాకి బ్రేక్ ఇవ్వడం.. ఇప్పుడేమో కరోనా.. ఇలా పలు కారణాల వలన ‘ఇండియన్ 2’ సినిమా ముందుకు కదలడం లేదు.
దీంతో ఏడాది కాలంగా శంకర్ ఖాళీగా ఉన్నారు. లాక్ డౌన్ లో శంకర్ తన తదుపరి సినిమా మీద దృష్టి సారించినట్లు తెలుస్తోంది. ఒక మల్టీస్టారర్ సినిమా తీయడానికి శంకర్ సన్నాహాలు చేస్తున్నట్లు సమాచారం. దక్షిణాది నాలుగు భాషల్లో మంచి పేరున్న శంకర్.. ఈ నాలుగు బాషల నుండి ఒక్కో స్టార్ హీరోను ఎన్నుకొని మల్టీస్టారర్ చేయాలని అనుకుంటున్నారట. కన్నడ నుండి ‘కేజీఎఫ్’ ఫేమ్ యష్.. తమిళం నుండి విజయ్ సేతుపతిలతో పాటు తెలుగు, మలయాళ భాషల నుండి ఇద్దరు స్టార్ హీరోలను ఈ ప్రాజెక్ట్ లోకి తీసుకురాబోతున్నారట.
రాక్ లైన్ వెంకటేష్ ఈ సినిమాను భారీ స్థాయిలో నిర్మించనున్నట్లు సమాచారం. ‘ఇండియన్ 2’ సినిమా షూటింగ్ గనుక కొన్ని రోజుల్లో మొదలుకాకపోతే శంకర్ ఈ మల్టీస్టారర్ ని మొదలుపెట్టే ఛాన్స్ ఉందని అంటున్నారు. ఇటీవల శంకర్ ‘ఇండియన్ 2’ చిత్ర నిర్మాతలతో విసిగిపోయి.. సినిమా పునః ప్రారంభించకపోతే తను వేరే సినిమాను మొదలుపెడతానని హెచ్చరించారు. అందుకే ఈ మల్టీస్టారర్ ప్లాన్ చేస్తున్నట్లు కోలీవుడ్ మీడియా వార్తలు ప్రచురిస్తోంది.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
