మిడిల్ రేంజ్ హీరోలలో ఒకరైన శర్వానంద్ ఈ మధ్య కాలంలో నటించిన సినిమాలన్నీ బాక్సాఫీస్ వద్ద ఫ్లాప్ కావడంతో పాటు శర్వానంద్ సినిమాలకు ఆశించిన స్థాయిలో బిజినెస్ జరగడం లేదు. భారీ అంచనాలతో శర్వానంద్ హీరోగా నటించి దసరా కానుకగా విడుదలైన మహాసముద్రం సినిమా చెప్పుకోదగ్గ స్థాయిలో కలెక్షన్లు సాధించలేదు. ప్రస్తుతం శర్వానంద్ హీరోగా ఒకే ఒక జీవితం, ఆడవాళ్లు మీకు జోహార్లు సినిమాలు తెరకెక్కుతున్నాయి. శర్వానంద్ 30వ సినిమాగా ఒకే ఒక జీవితం సినిమా తెరకెక్కుతోంది.
ఈ సినిమాకు శ్రీ కార్తీక్ దర్శకత్వం వహిస్తుండగా అక్కినేని అమల ఈ సినిమాలో కీలక పాత్రలో నటిస్తున్నారు. ఒకే ఒక జీవితం సినిమాపై నిర్మాతలు ఆశించిన స్థాయిలో బజ్ లేదు. ఇప్పటికే ఈ సినిమా నుంచి ఒక పోస్టర్ రిలీజ్ కాగా వచ్చే ఏడాది ఫిబ్రవరిలో ఈ సినిమాను రిలీజ్ చేయనున్నామని మేకర్స్ ప్రకటించారు. తెలుగమ్మాయి రీతూ వర్మ ఈ మూవీలో శర్వానంద్ కు జోడీగా నటిస్తున్నారు. డ్రీమ్ వారియర్ పిక్చర్స్ సంస్థ ఈ సినిమాను నిర్మించింది.
ఈ సినిమా ఓటీటీలో రిలీజయ్యే ఛాన్స్ ఉందని ఇండస్ట్రీ వర్గాల్లో వినిపిస్తుండగా మేకర్స్ స్పందించి క్లారిటీ ఇవ్వాల్సి ఉంది. మంచి ఓటీటీ ఆఫర్ వస్తే ఈ మూవీ ఓటీటీలోనే రిలీజయ్యే ఛాన్స్ ఉంది. తరుణ్ భాస్కర్ ఒకే ఒక జీవితం సినిమాకు మాటలు అందించారు. అయితే శర్వానంద్ నటిస్తున్న ఆడవాళ్లు మీకు జోహార్లు సినిమాపై బాగానే అంచనాలు నెలకొన్నాయి. రష్మిక ఈ సినిమాలో నటిస్తుండటం ఈ సినిమాకు ప్లస్ అవుతోంది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
