ఎంత పెద్ద స్టార్ హీరోహీరోయిన్ అయినా తమ కెరీర్లో ఒక్కసారైనా కృష్ణవంశీ దర్శకత్వంలో నటించాలి అనుకుంటారు. సినిమా రిజల్ట్ ను పక్కన పెడితే ప్రతి ఆర్టిస్ట్ లోని ఉత్తమ నట ప్రతిభను ప్రేక్షకులకు పరిచయం చేయగల సత్తా ఉన్న అతికొద్దిమంది దర్శకధీరుల్లో కృష్ణవంశీ ఒకరు. అందుకే.. ఆయన వరుస పరాజయాలతో ఇబ్బందిపడుతున్నా ఆయన సినిమాలో నటించడం కోసం ప్రతి ఒక్కరూ ఉవ్విళ్లూరుతుంటారు. ఆయన చాలా గ్యాప్ అనంతరం తెరకెక్కిస్తున్న “రంగమార్తాండ” చిత్రం రెగ్యులర్ షూటింగ్ ఇటీవల మొదలైన విషయం తెలిసిందే.
ఈ సినిమాలో ప్రకాష్ రాజ్-రమ్యకృష్ణ ప్రధాన పాత్రలు పోషిస్తుండగా మరో కీలకపాత్రను హాస్యబ్రహ్మ బ్రహ్మానందం పోషించనున్నారు. ఈ చిత్రరాజంలో ఓ ముఖ్యభూమిక పోషించే అవకాశాన్ని సొంతం చేసుకుంది రాజశేఖర్ కుమార్తె శివాత్మిక. “దొరసాని” చిత్రంతో హీరోయిన్ గా డెబ్యూ ఇచ్చి పర్వాలేదనిపించుకున్న శివాత్మికకు “రంగమార్తాండ”లో అవకాశం రావడం అనేది ప్రమోషన్ లాంటిది. ఈ చిత్రంలో ఆమె ఒక గాయకురాలి పాత్ర పోషించనుంది.
వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!
