రాజశేఖర్ కూతురు ఆ బోల్డ్ క్యారెక్టర్ చేస్తుందా?

సెన్సేషనల్ స్టార్ విజయ్ దేవరకొండ తమ్ముడు ఆనంద్ దేవరకొండ హీరోగా ఎంట్రీ ఇస్తున్న చిత్రం`దొర‌సాని`. ఇదే చిత్రంతో హీరోయిన్ గా పరిచయమవుతుంది రాజశేఖర్ రెండో కూతురు శివాత్మిక. ఇప్పటీకే విడుదలైన ఫస్ట్ లుక్స్,టీజర్, ట్రైలర్ తో శివాత్మిక ఆకట్టుకుంటుంది. ఈ చిత్రం ఇంకా విడుదల కాకుండానే ఆమెకు మంచి ఆఫర్స్ వస్తున్నాయట. తన దగ్గర పనిచేస్తున్న యువ రచయితలను.. డైరెక్టర్లను చేస్తున్నాడు స్టార్ డైరెక్టర్ సుకుమార్. ‘సుకుమార్ రైటింగ్స్‌’ అనే బ్యానర్ ను స్థాపించి మరీ తన శిష్యులతో సినిమాలు చేస్తున్నాడు.

ఈ బ్యానర్ లో రాజ్ తరుణ్, హెబ్బా పటేల్ జంటగా నటించిన ‘కుమార్ 21F’ చిత్రం సూపర్ హిట్టయిన సంగతి తెలిసిందే. ఇప్పుడు ఈ చిత్రానికి సీక్వెల్ రాబోతుందట. దర్శకుడు పలనాటి సూర్య ప్రతాప్ ఈ సీక్వెల్ కోసం క‌థ ఆల్రెడీ సిద్ధం చేసేసాడట. ఈ చిత్రం కోసం శివాత్మిక‌ను తీసుకుంటే బాగుంటుంద‌ని ద‌ర్శ‌క‌నిర్మాత‌లు భావిస్తున్నారట. అయితే ఇలాంటి బోల్డ్ క్యారెక్టర్ చేయడానికి శివాత్మిక అంగీకరిస్తుందా…? ఆమె ఓకే చెప్పినా జీవిత, రాజశేఖర్లు ఒప్పుకుంటారా? అనేది చర్చనీయాంశం అయ్యింది.