ఎటువంటి హడావుడి లేకుండా నాని ఆడుతూ పాడుతూ సంవత్సరానికి మూడు సినిమాలు చేసేస్తున్నారు. గత ఏడాది అతను గెస్ట్ అప్పీరియన్స్ ఇచ్చిన మూవీతో లెక్క వేసుకుంటే నాలుగు చిత్రాలు రిలీజ్ అయ్యాయి. అన్నీ నిర్మాతలకు మంచి ఆదాయాన్ని తెచ్చిపెట్టాయి. దీంతో నిర్మాతలు నాని తో సినిమా చేసేందుకు క్యూలో ఉన్నారు. ఇక డిమాండ్ బట్టి నాని కూడా రెమ్యునరేషన్ పెంచేసారు. నేను లోకల్ కి మూడు కోట్లు అందుకున్న నేచురల్ స్టార్.. ఆ తర్వాత నూతన దర్శకుడు శివ నిర్వాన డైరెక్షన్లో “నిన్నుకోరి” చిత్రాన్ని చేస్తున్నారు.
డివివి దానయ్య నిర్మిస్తున్న ఈ మూవీకి ఐదు కోట్లు తీసుకున్నట్లు సమాచారం. దీని తర్వాత దిల్‌ రాజు సినిమా పట్టాలెక్కించడానికి సిద్ధంగా ఉన్నారు. అది పూర్తయిన తర్వాత హను రాఘవపూడి దర్శకత్వంలో మరో చిత్రం చేయనున్నారు. ఈ మూడింటిని ఈ ఏడాది కంప్లీట్ చేయడానికి నాని ఫిక్స్ అయినట్లు తెలిసింది. ఈ మూడింటికి కలిపితే ఈ ఏడాది నాని సంపాదన 15 కోట్లుగా తేలింది. చిన్న సినిమాలు అంటూనే సైలెంట్ గా నాని బాగానే సంపాదిస్తున్నారు.
Also, do SUBSCRIBE to our YouTube channel to get latest Tollywood updates.
