స్టైలిష్ స్టార్ అల్లు అర్జున్ కి సోషల్ మీడీయా ట్రోలింగ్ ఏమీ కొత్త కాదు కానీ.. ఈమధ్యకాలంలో ఆ ట్రోలింగ్ లెవల్ కాస్త పెరిగింది. ముఖ్యంగా “నా పేరు సూర్య” డిజాస్టర్ అనంతరం అల్లు అర్జున్ తన సినిమాల మీద కాన్సన్ ట్రేట్ చేయడం మానేసి ఇతర హీరోల ఆడియో వేడుకలకు వరుసబెట్టి చీఫ్ గెస్ట్ గా వెళుతుండడం, ఆ వేడుకలో కంటెక్స్ట్ తో సంబంధం లేకుండా ఇస్తున్న స్పీచ్ లు మాత్రం వైరల్ అవుతున్నాయి. ఇక ఆయన సరికొత్త స్టైల్ స్టేట్ మెంట్ అంటూ వేసుకొంటున్న బట్టలను కూడా జనాలు ట్రోల్ చేస్తున్నారు.
ఈ ట్రోలింగ్ లెవల్ ఏరేంజ్ కు వెళ్ళిందంటే.. ఆఖరికి అల్లు అర్జున్ అభిమానులు కూడా ఆయన్ని ఈ విషయంలో సపోర్ట్ చేయలేక సైడైపోతున్నారు. త్రివిక్రమ్ సినిమా సైన్ చేసిన అల్లు అర్జున్ ఆ సినిమాకి సంబంధించిన లుక్స్ మరియు స్టైలింగ్ మీద కాన్సన్ ట్రేట్ చేయకుండా ఇలా పబ్లిక్ ఫంక్షన్స్ కి వస్తుండడం మాత్రం ఆయన అభిమానులకు కూడా పెద్దగా రుచించడం లేదు. నిజానికి అల్లు అర్జున్ లాంటి స్టార్ హీరో ఇలా చిన్న సినిమాలను ప్రమోట్ చేయడం ఒకందుకు మంచిదే కానీ.. ఈ గ్యాప్ లో తన సినిమాకి సంబంధించిన అప్డేట్స్ కూడా ఇస్తే బెటర్ అని భావిస్తున్నారు అల్లు అభిమానులు.
