బాహుబలి తర్వాత యువ దర్శకుడు సుజీత్ దర్శకత్వంలో ప్రభాస్ చేస్తున్న సాహో సినిమా రామోజీ ఫిలిం సిటీలో వేసిన భారీ సెట్ లో రెగ్యులర్ షూటింగ్ జరుపుకుంటోంది. ప్రభాస్, బాలీవుడ్ నటులు జాకీష్రాఫ్, నీల్ నితిన్ ముకేష్, చుంకే పాండే లపై యాక్షన్ సీన్స్ తెరకెక్కిస్తున్నారు. ఈ షూటింగ్ లో హీరోయిన్ శ్రద్ధ కపూర్ కూడా జాయిన్ అయినట్లు తెలిసింది. అలా ఆమె సెట్ లో అడుగుపెట్టగానే.. ఆమె చేసే రోల్ గురించి ఓ న్యూస్ బయటికి వచ్చింది. ఈ చిత్రంలో శ్రద్ద డ్యూయెల్ రోల్ పోషించనున్నట్లు తెలిసింది. అయితే ప్రభాస్ కూడా డ్యూయల్ రోలా ? అని ఆనందపడిపోకండి. అక్కడే తిరకాసు ఉంది.
ఒక శ్రద్ధ కపూర్ హీరోయిన్ గా ప్రభాస్ తో రొమాన్స్ చేయనుండగా, మరో పాత్రలో అంటే నెగిటివ్ రోల్ ల్లో ప్రభాస్ తో ఫైట్స్ చేయనుందని సమాచారం. శ్రద్దా చేసే రోల్స్ ఆడియన్స్ కి థ్రిల్ కలిగిస్తుందని ప్రచారం జరుగుతోంది. యువీ క్రియేషన్స్ బ్యానర్లో వంశీ, ప్రమోద్ లు భారీ బడ్జెట్ తో ఏకకాలంలో తెలుగు, హిందీ, తమిళ భాషల్లోనిర్మిస్తున్న ఈ సినిమాపై అంచనాలు భారీగా ఉన్నాయి.
Also, do SUBSCRIBE to our YouTube channel to get latest Tollywood updates.
