బాలీవుడ్ బ్యూటీ శ్రద్ధా కపూర్.. సాహోలో హీరోయిన్ గా సెలక్ట్ అయినప్పటి నుంచి ఎంతో సంతోషంలో ఉంది. ప్రభాస్ పక్కన నటించాలనే తన కోరిక చాలా తొందరగా తీరినందుకు ఆనందపడుతోంది. సాహో షూటింగ్ గత నెల ప్రారంభమయినప్పటికీ రీసెంట్ గా శ్రద్ధ జాయిన్ అయింది. అమీర్ పెట్ లో వేసిన ఇంటి సెట్ లో ప్రభాస్, శ్రద్ధలపై కొన్ని సన్నివేశాలు చిత్రీకరించారు. ఇందులో శ్రద్ధ క్యారక్టర్ పై అనేక వార్తలు వచ్చాయి.. డబల్ రోల్ పోషిస్తున్నట్లు, రాయల సీమ అమ్మాయిగా కనిపించనున్నట్లు గాసిప్ లు చక్కర్లు కొట్టాయి. అయితే వాటన్నిటినీ ఖండించిన శ్రద్ధ తన రోల్ ఏంటో వెల్లడించింది.
పోలీస్ ఆఫీసర్ గా నటించనున్నట్లు స్పష్టం చేసింది. ఇందుకోసం భారీ స్టెంట్స్ చేయడానికి ట్రైనింగ్ కూడా తీసుకున్నట్లు వివరించింది. ప్రభాస్ కూడా ఇందులో పవర్ ఫుల్ పోలీస్ ఆఫీసర్ గా కనిపించనున్నారు. యువీ క్రియేషన్స్ బ్యానర్లో వంశీ, ప్రమోద్ లు భారీ బడ్జెట్ తో ఏకకాలంలో తెలుగు, తమిళం, హిందీ భాషల్లో నిర్మిస్తున్న ఈ సినిమాపై భారీ అంచనాలున్నాయి.
