నందమూరి బాలకృష్ణ, పూరి జగన్నాథ్ కాంబినేషన్లో తెరకెక్కుతోన్న సినిమా జోరుగా షూటింగ్ జరుపుకుంటోంది. మొదటి షెడ్యూల్ ని విజయవంతంగా పూర్తి చేసిన పూరి, రెండో షెడ్యూల్ ని హైదరాబాద్ అల్యూమినియం ఫ్యాక్టరీలో మొదలెట్టేసారు. మాఫియా నేపథ్యంలో సాగే ఈ సినిమాలో బాలయ్య పక్కన ముగ్గురు హీరోయిన్లు నటించనున్నారు. అందులో ఒకరిగా నూతన నటి ముస్కాన్ నటిస్తున్నట్లు కొన్నిరోజుల క్రితం ప్రకటించిన పూరి.. ప్రధాన కథానాయికగా శ్రియ ఖరారు అయినట్లు ఈ రోజు వెల్లడించారు.
గౌతమి పుత్ర శాతకర్ణి తో బాలయ్య, శ్రియ జంట హిట్ పెయిర్ అనే టాక్ సొంతం చేసుకుంది. సో అదే జంట ఇందులోనూ అలరించనుంది. భవ్య క్రియేషన్స్ బ్యానర్ లో ఆనంద్ ప్రసాద్ నిర్మిస్తున్న ఈ మూవీకి ఉస్తాద్ అనే టైటిల్ పరిశీలనలో ఉంది. క్రేజీ కాంబినేషన్లో తెరకెక్కుతోన్న ఈ మూవీ సెప్టెంబర్ 29న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
