ఇప్పుడంటే సినిమాలకు దూరమైంది కానీ.. రెండుమూడేళ్ళ క్రితం వరకూ మోస్ట్ వాంటేడ్ హీరోయిన్స్ ల లిస్ట్ లో శ్రుతిహాసన్ ముందు వరుసలో ఉండేది. అల్లు అర్జున్, రామ్ చరణ్, మహేష్ బాబు, ఎన్టీఆర్ వంటి స్టార్ హీరోలందరితోనూ నటించిన శ్రుతిహాసన్.. “కాటమరాయుడు” అనంతరం సినిమాలకు దూరమైంది. ఇక తమన్నా గురించి ప్రత్యేకంగా చెప్పాలా.. ఆమెపై మనసుపడని కుర్రాడు లేడంటే అతిశయోక్తి కాదేమో. అలాంటిది వీళ్ళిద్దరూ కలిసి ఉన్న ఫోటోను శ్రుతిహాసన్ షేర్ చేస్తూ “ఆల్వేస్ లవ్ స్పెండింగ్ టైమ్ విత్ మై డార్లింగ్” అని పోస్ట్ చేసి అదే పోస్ట్ లో “మేము లెస్బియన్స్” అని అర్ధం వచ్చేలా ఒక సింబల్ పోస్ట్ చేసింది. మొదట సదరు పోస్ట్ ను లైట్ తీసుకొన్న నెటిజన్లు.. ఆ పైన ఉన్న సింబల్ అర్ధం తెలుసుకొన్న తర్వాత షాక్ అయ్యారు. ఇదేంటి వీళ్ళు ఏమైనా లెస్బియన్సా (స్వలింగ సంపార్కులా) అనే అనుమానం మొదలైంది….
అయితే.. అదే సమయానికి బాలీవుడ్ టాప్ ప్రొడ్యూసర్ అయిన కరణ్ జోహార్ తన స్వంత నిర్మాణ సంస్థ “ధర్మ ప్రొడక్షన్స్”లో ఒక సినిమా ఎనౌన్స్ చేశాడు. ఆ సినిమా నేపధ్యం కూడా స్వలింగ సంపర్కుల కథతోనే తెరకెక్కనుంది. మరి శ్రుతిహాసన్-తమన్నా ఈ సినిమా గురించి హింట్ ఇస్తున్నారా లేక మరింకేదైనా విషయమా అనేది తెలియాలంటే రేపటివరకు వెయిట్ చేయాలి.
