కోలీవుడ్ స్టార్ హీరో ధనుష్ కి తెలుగులో కూడా సూపర్ క్రేజ్ ఉన్న సంగతి తెలిసిందే. అందుకే టాలీవుడ్ అగ్ర నిర్మాత ‘సితార నాగవంశీ’ ధనుష్ తో ‘సార్’ అనే ద్విభాషా చిత్రాన్ని నిర్మించారు. అప్పటివరకు ప్రేమ కథా సినిమాలకే కేర్ ఆఫ్ అడ్రస్ అనుకున్న వెంకీ అట్లూరి ఈ చిత్రాన్ని డైరెక్ట్ చేశారు. నిజంగా ఈ సినిమాని వెంకీ అట్లూరి తీశాడు అంటే అప్పట్లో చాలా మంది నమ్మలేదు.
ఎందుకంటే సోషల్ ఎలిమెంట్ తో కూడిన కమర్షియల్ సినిమా ఇది. చాలా సన్నివేశాలు హృద్యంగా అనిపిస్తాయి. సంభాషణలు కూడా స్టార్ దర్శకుల స్టైల్లో ఉంటాయి. అలాంటి సినిమాని వెంకీ అట్లూరి తీశాడని అప్పట్లో చాలా మంది ఆశ్చర్యపోయారు. సంయుక్త మీనన్ హీరోయిన్ గా నటించిన ఈ సినిమాకి జి.వి.ప్రకాష్ కుమార్ అద్భుతమైన సంగీతం అందించాడు. ‘మాస్టారు మాస్టారు’ అనే పాట సినిమాకి మైలేజ్ తీసుకొచ్చి హైప్ పెంచింది.
ఇక 2023 ఫిబ్రవరి 17న విడుదల అయిన ఈ సినిమా తొలి ఆటకే సూపర్ హిట్ టాక్ తెచ్చుకుంది. బాక్సాఫీస్ వద్ద కూడా మంచి వసూళ్లు సాధించింది. నేటితో ‘సార్’ రిలీజ్ అయ్యి 3 ఏళ్ళు పూర్తి కావస్తున్న నేపథ్యంలో ఒకసారి టోటల్ బాక్సాఫీస్ కలెక్షన్స్ ను ఓ లుక్కేద్దాం రండి :
| నైజాం | 8.51 cr |
| సీడెడ్ | 2.96 cr |
| ఉత్తరాంధ్ర | 3.03 cr |
| ఈస్ట్ | 2.02 cr |
| వెస్ట్ | 0.91 cr |
| గుంటూరు | 1.57 cr |
| కృష్ణా | 1.44 cr |
| నెల్లూరు | 0.77 cr |
| ఏపీ + తెలంగాణ (టోటల్) | 21.21 cr |
| రెస్ట్ ఆఫ్ ఇండియా+తమిళ్ | 27.91 cr |
| ఓవర్సీస్ | 12.28 cr |
| వరల్డ్ వైడ్(టోటల్) | 61.4 cr |
‘సార్'(Sir) సినిమా తెలుగు,తమిళ భాషల్లో కలుపుకుని రూ.34 కోట్ల బ్రేక్ ఈవెన్ టార్గెట్ తో బరిలోకి దిగింది.ఫుల్ రన్ ముగిసేసరికి ఈ సినిమా ఏకంగా రూ.61.4 కోట్ల షేర్ ను కలెక్ట్ చేసింది. మొత్తంగా రూ.27.4 కోట్ల లాభాలు బయ్యర్స్ కి అందించి బ్లాక్ బస్టర్ గా నిలిచింది. తమిళంలో ఈ సినిమా పెద్దగా ఆడలేదు కానీ.. తెలుగులోనే ఎక్కువగా కలెక్ట్ చేసింది అని చెప్పాలి.
