మహేష్ బాబు ఇదివరకు ఎప్పుడూ కష్టపడని విధంగా ఈ ఏడాది శ్రమిస్తున్నారు. కోలీవుడ్ లో తన ఎంట్రీ గ్రాండ్ గా ఉండాలని సెలవులు తీసుకోకుండా షూటింగ్ లో పాల్గొంటున్నారు. మురుగదాస్ దర్శకత్వంలో మహేష్ చేస్తున్న స్పైడర్ మూవీ ఏడాదిగా సాగుతోంది. ఈ సమయంలో మహేష్ తన భార్య, పిల్లలతో గడిపే సమయం తగ్గిపోయింది. తండ్రి పరిస్థితిని గుర్తించిన పిల్లలు సెట్ కే వెళ్లిపోతున్నారు. రెండు రోజులుగా స్పైడర్ లో మిగిలిపోయి ఉన్న రెండు పాటల్లో ఒక పాటను తెరకెక్కిస్తున్నారు. ఆ లొకేషన్ కి సితార వెళ్ళింది. షూటింగ్ విరామం సమయంలో తండ్రితో కలిసి ఆడుకుంది. ఈ అపురూప క్షణాలను స్పైడర్ కెమెరామెన్ సంతోష్ శివన్ కెమెరాలో బంధించారు. వాటిని సోషల్ మీడియాలో పోస్ట్ చేశారు. తండ్రి కూతుళ్ల సందడిని చూసిన అభిమానులను ఆనందపడుతున్నారు.
స్పైడర్ లో సితార నటిస్తుందేమో.. అనే సందేహాన్ని వ్యక్తం చేస్తున్న వారు లేకపోలేదు. ఎందుకంటే వన్ నేనొక్కడినే మూవీలో మహేష్ తనయుడు గౌతమ్ నటించాడు. అలా ఇందులో కూతురిని వెండితెరకు పరిచయం చేస్తున్నారేమోనని భావిస్తున్నారు. అది నిజమైతే ఫ్యాన్స్ కి పండుగే. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ మూవీ సెప్టెంబర్ 27 న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
