మహేష్ బాబు నటిస్తున్న మహర్షి చిత్రం మే 3 న సమ్మర్ కానుకగా విడుదల కాబోతుంది. ఇక ఈ చిత్ర షూటింగ్ ప్యాచ్ వర్క్ జరుగుతుందట. ఇప్పుడు ఈ హడావిడి లోనే మహేష్ బాబు గడుపుతున్నాడు. ఇదిలా ఉండగా తాజాగా మహేష్.. తన గారాల పట్టి సితార(మహేష్ కూతురు) ఫోటోని సోషల్ మీడియాలో పోస్ట్ చేసాడు. `చోటి చోటి బాతే..అంటూ ఓ క్యాప్షన్ పెట్టాడు..! దీనిని బట్టి చూస్తుంటే ‘మహర్షి’ చిత్రంలో సితార కనిపించబోతుందా.. అనే అనుమానం కలుగక మానదు. అయితే ఇది నిజమే అంటూ కొందరు ఫిలింనగర్ విశ్లేషకులు చెప్పుకొస్తున్నారు.
అందుతున్న సమాచారం ప్రకారం ‘మహర్షి’ చిత్రంలో సితార కనిపించబోతుందట. అయితే సితారకి ఈ చిత్రంలో డైలాగులు లాంటివి ఏమీ ఉండవట. ఒక పాటలో జస్ట్ అలా కనిపించి వెళ్ళిపోతుందట. ‘మహర్షి’ చిత్రం మహేష్ కు 25 వ సినిమా కాబట్టి… సితారని ఈ చిత్రంలో అలా చూపించబోతున్నారని ఫిలింనగర్ విశ్లేషకులు చెబుతున్నారు. అయితే సితార కనిపించేది ఏ పాటలో అనేది వారు చెప్పలేదు. కానీ `చోటి చోటి బాతే’ అని మహేష్ సితార ఫోటోలని షేర్ చేసాడు కాబట్టి అదే పాటలో కనిపించబోతుందేమో అని వారు అనుమానం వ్యక్తం చేస్తున్నారు. ఒకవేళ ఇదే నిజమైతే మహేష్ అభిమానులకి పండగే అని చెప్పాలి. ఇప్పటికే సితార సోషల్ మీడియాలో పెద్ద స్టార్. ‘మహర్షి’ మ్యూజిక్ డైరెక్టర్ దేవి శ్రీ ప్రసాద్ దగ్గర కూడా సితార ఆడుకుంటూ, డ్యాన్స్ చేస్తున్న వీడియోలు ఇప్పటికే సోషల్ మీడియాలో బాగా వైరల్ అయ్యాయన్న సంగతి తెలిసిందే..!
