తమిళ, తెలుగు భాషలతోపాటు హిందీలోనూ మంచి క్రేజ్ ఉన్న సౌత్ హీరో ధనుష్. రాజనీకాంత్ అల్లుడిగా కంటే మంచి నటుడిగానే అందరికీ సుపరిచితుడైన ధనుష్ నటుడిగా, నిర్మాతగా మంచి పేరు గడించాడు. ఈమధ్యనే “పవర్ పాండి” అనే చిత్రంతో దర్శకుడిగానూ మారాడు. కాగా.. ఇంతకుమునుపు రాజనీకాంత్ హీరోగా “విక్రమసింహా” చిత్రంతో దర్శకురాలిగా మారిన ఆయన కుమార్తె సౌందర్య తన రెండో ప్రయత్నంగా ఓ తమిళ చిత్రాన్ని తెరకెక్కించేందుకు సన్నద్ధమవుతోంది. “నిలవుక్కు ఎన్ మెల్ ఎన్నడి కోబమ్” అనే టైటిల్ తో తెరకెక్కనున్న ఈ చిత్రంలో కథానాయికగా బాలీవుడ్ బోల్డ్ బ్యూటీ సోనమ్ కపూర్ ను కథానాయికగా ఎంపిక చేసినట్లు సమాచారం.
ఇదివరకూ “రాంజనా” అనే చిత్రంలో ధనుష్ కు జంటగా నటించిన సోనమ్ ఎప్పట్నుంచో సౌత్ లో ఎంట్రీ కోసం వేచి చూస్తోంది. ప్రస్తుతం సౌత్ లో టాప్ హీరోగా ఉన్న ధనుష్ సరసన ఇంట్రడ్యూస్ అవ్వడమే సరైన నిర్ణయం అని భావించిన సోనమ్ ఈ నిర్ణయం తీసుకొంది. ఇదివరకూ పలువురు తెలుగు దర్శకనిర్మాతలు కూడా సోనమ్ ను తెలుగులో నటింపజేయడానికి ట్రై చేశారు. సో, ఇప్పుడు సోనమ్ సౌత్ ఎంట్రీ కన్ఫర్మ్ అయిపోయింది కాబట్టి ఇకనైనా తెలుగు సినిమాల మీద కాస్త జాలి చూపుతుందో లేదో చూడాలి!
