సినిమా హీరోలను.. హీరోయిన్లను సినిమాల్లో మాత్రమే చూడాలి అనేవి అప్పటి రోజులు.ఆ టైములో మీడియా సమావేశంలో మాత్రమే సినీ తారలు పలు ఇంట్రెస్టింగ్ విషయాల పై మాట్లాడేవారు. అయితే సోషల్ మీడియా, డిజిటల్ మీడియా.. విస్తరిస్తున్న ఈరోజుల్లో సెలబ్రిటీలు పలు టాక్ షోలకు హాజరయ్యి.. ఆసక్తికరమైన విషయాలను ప్రేక్షకులతో పంచుకుంటున్నారు. అయితే కేవలం యాంకర్లు మాత్రమే ఈ టాక్ షోలను హోస్ట్ చెయ్యాలి అనే పద్దతి కూడా మారింది. సినిమాల ద్వారా మంచి క్రేజ్ సంపాదించుకున్న నటీనటులు ఈ టాక్ షోలను హోస్ట్ చేస్తున్నారు. వీటికి రికార్డు టి.ఆర్.పి రేటింగ్ లు కూడా నమోదవుతున్నాయి.టాక్ షోలలో భాగంగా స్టార్లను అడిగే రాపిడ్ ఫైర్ క్వశ్చన్లు ప్రేక్షకులను మరింతగా అలరిస్తున్నాయి. అలా అని.. అన్ని టాక్ షోలు సక్సెస్ అవుతాయాని చెప్పలేము.సక్సెస్ కానీ టాక్ షోలు కూడా చాలానే ఉన్నాయి. వాటి జోలికి పోకుండా సక్సెస్ అయిన టాక్ షోలు ఏంటో.. వాటిని హోస్ట్ చేసింది ఎవరో ఓ లుక్కేద్దాం రండి :
1) లక్ష్మీ మంచు : మోహన్ బాబు కుమార్తె లక్ష్మీ హోస్ట్ చేసిన ‘లక్ష్మీ టాక్ షో’ మంచి సక్సెస్ అయ్యింది.
2) జయప్రద : అప్పటి స్టార్ హీరోయిన్ జయప్రద గారు హోస్ట్ చేసిన ‘జయప్రదం’ అనే టాక్ షో కూడా సూపర్ హిట్ అయ్యింది.
3) అలీ : స్టార్ కమెడియన్ అలీ.. ఎప్పటినుండో ఇండస్ట్రీలో ఉంటున్నాడు కాబట్టి.. ‘అలీ తో సరదాగా’ అనే టాక్ షోలో స్టార్లను చాలా చనువుగా ప్రశ్నలు వేస్తూ.. ఈ షోని సూపర్ హిట్ దిశగా నడిపించాడు.
4) సాయి కుమార్ : డైలాగ్ కింగ్ సాయికుమార్ హోస్ట్ చేసిన ‘వావ్- మంచి కిక్ ఇచ్చే గేమ్ షో’ కూడా సూపర్ హిట్ అయ్యింది.
5) రానా : భల్లాల దేవుడు హోస్ట్ చేసిన ‘నెంబర్ 1 యారి విత్ రానా’ టాక్ షో కూడా సూపర్ హిట్ గా నిలిచింది.
6) లక్ష్మీ మంచు : ‘మేము సైతం’ అనే షోని హోస్ట్ చేసిన మంచు లక్ష్మీ.. ఆ షో ద్వారా తన ఫాలోయింగ్ ను మరింతగా పెంచుకుంది.
7) కుష్బూ : తమిళ్ తో పాటు తెలుగులో కూడా మంచి క్రేజ్ ను సంపాదించుకున్న అలనాటి హీరోయిన్ ఖుష్బూ కూడా ‘సింప్లీ కుష్బూ’ అనే టాక్ షోని హోస్ట్ చేసి అలరించింది.
8) శివ రాజ్ కుమార్ : కన్నడ స్టార్ శివ రాజ్ కుమార్ హోస్ట్ చేసిన.. ‘నెంబర్ 1 యారి విత్ శివన్న’ కూడా సూపర్ హిట్ అయ్యింది.
9) సమంత : ‘ఆహా’ కోసం సమంత.. ‘సామ్ జామ్’ అనే టాక్ షోని హోస్ట్ చేస్తుంది. ఈ షో కూడా సక్సెస్ ఫుల్ గా రన్ అవుతుంది.
10) విశాల్ : కోలీవుడ్ స్టార్ హీరో విశాల్ హోస్ట్ చేసిన ‘సన్ నామ్ ఒరువర్’ టాక్ షో కూడా సూపర్ హిట్ అయ్యింది.
