ఇన్వెస్టిగేషన్ ఆఫీసర్ గా సూపర్ స్టార్ మహేష్ బాబు నటించిన స్పైడర్ మూవీ తుది దశకు చేరుకుంది. మురుగదాస్ దర్శకత్వంలో తెరకెక్కుతోన్న ఈ మూవీ ఒక పాట మినహా షూటింగ్ మొత్తం పూర్తి చేసుకుంది. ఈ పాట షూటింగ్ మిగిలి ఉండగానే ఎడిటింగ్ డబ్బింగ్ వర్క్ కూడా కంప్లీట్ అయినట్లు సమాచారం. వందకోట్ల బడ్జెట్ తో ఏకకాలంలో తెలుగు, తమిళ భాషలో ఎన్.వి.ప్రసాద్ నిర్మిస్తున్న స్పైడర్ రన్ టైమ్ ఫిక్స్ అయింది. 2 .30 గంటల నిడివి వచ్చినట్లు సమాచారం. వచ్చే నెల ఫస్ట్ నుంచి యూరప్ లో సాంగ్ షూటింగ్ మొదలెట్టి ఐదు రోజుల్లో కంప్లీట్ చేయనున్నారు. తర్వాత ఐదురోజుల్లో ఆ ఫుటేజ్ ని ఎడిట్ చేసి కలపనున్నారు.
సెప్టెంబర్ 10 న స్పైడర్ ని సెన్సార్ సభ్యుల ముందుకు తీసుకుపోనున్నట్లు తెలిసింది. తమిళ డైరక్టర్ ఎస్.జె.సూర్య విలన్ గా నటిస్తున్న ఈ సినిమాపై భారీ అంచనాలున్నాయి. ఈ మూవీ ఆడియో వేడుకను చెన్నైలో 9 వ తేదీన గ్రాండ్ గా నిర్వహించనున్నారు. అప్పుడే ట్రైలర్ ని రిలీజ్ చేయనున్నారు. ఫిట్ బ్యూటీ రకుల్ ప్రీత్ సింగ్ హీరోయిన్ గా నటిస్తున్న ఈ చిత్రం సెప్టెంబర్ 27 థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
