కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా ఒక పాట మినహా షూటింగ్ మొత్తం కంప్లీట్ చేసుకున్న సంగతి తెలిసిందే. వచ్చేనెల ఒకటవ తేదీ నుంచి రొమేనియా(యూరప్)లోని అందమైన లొకేషన్లో మహేష్, రకుల్ పై ఈ పాటను తెరకెక్కించనున్నారు. ఏకకాలంలో తెలుగు, తమిళ భాషల్లో రూపుదిద్దుకున్న ఈ మూవీ పోస్ట్ ప్రొడక్షన్ వర్క్ జరుపుకుంటోంది. ఈ రెండు భాషలతో పాటు హిందీ, మలయాళంలో రిలీజ్ చేయనున్నారు. ఆ డబ్బింగ్ పనులు కూడా సాగుతున్నాయి. తాజాగా అరబిక్‌లోను డబ్బింగ్ చేస్తున్నారంట.
అరబ్ దేశాల్లో మన సినిమాలకు క్రేజ్ ఉండడంతో అక్కడ కూడా స్పైడర్ రిలీజ్ చేయాలనీ నిర్మాతలు భావిస్తున్నారు. అందుకే ఆ దిశగా అడుగులు వేస్తున్నారు. సో స్పైడర్ మూవీ ఐదు భాషల్లో ప్రపంచవ్యాప్తంగా సెప్టెంబర్ 27 న అత్యధిక థియేటర్లలో రిలీజ్ కానుంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ చిత్రంపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
