2022 సెకండ్ హాఫ్ నుండి సినీ పరిశ్రమలో విషాదాల సంఖ్య పెరుగుతూనే ఉంది. సినీ పరిశ్రమకు చెందిన ఎవరొకరు మరణిస్తూనే ఉన్నారు. ముఖ్యంగా ఏడాది చివర్లో కృష్ణ, కృష్ణంరాజు, చలపతిరావు, కైకాల సత్యనారాయణ వంటి వారు మరణించారు. 2023లో అయినా అంతా నార్మల్ గా ఉంటుంది అని ఆశిస్తే.. ఏడాది ఆరంభంలోనే ‘వారసుడు’ ఆర్ట్ డైరెక్టర్ సునీల్ బాబు మరణించారు. అటు తర్వాత అలనాటి స్టార్ హీరోయిన్‌ జమున, విశ్వనాథ్, వాణీ జయరామ్, నందమూరి తారకరత్న,దర్శకుడు సాగర్ వంటి సినీ ప్రముఖులు మృత్యువాత పడ్డారు. ఇంతలోనే మరో చేదు వార్త బయటకు రావడంతో సినీ జనాలు షాక్ కు గురవుతున్నారు. అవును తాజాగా మరో సీనియర్ నటుడు మరణించాడు.
వివరాల్లోకి వెళితే.. ప్రముఖ బాలీవుడ్‌ నటడు సతీష్ కౌశిక్ గుండెపోటుతో కన్నుమూసినట్టు సమాచారం. ఈ విషయాన్ని ప్రముఖ నటుడు అనుపమ్ ఖేర్ తన ట్విట్టర్‌ ద్వారా తెలియజేశారు. సతీష్ కౌశిక్ మరణవార్త పై ఆయన స్పందిస్తూ.. ’45 యేళ్ల మా స్నేహం ఈ రోజుతో ముగిసిపోయింది’ అంటూ ఎమోషనల్‌ గా పేర్కొన్నారు. సతీష్ వయసు 66 సంవత్సరాలు.అనేక సూపర్ హిట్ చిత్రాల్లో తన కామెడీ, విలనిజంతో ప్రేక్షకులతో ఆకట్టుకున్న ఆయన..
దర్శకుడిగా కూడా మారి పలు హిట్ చిత్రాలను అందించారు.కోవిడ్ టైంలో ఆయన కరోనా బారిన పడి కోలుకున్నారు కానీ ముందు నుండి ఆయనకు అనారోగ్య సమస్యలు ఉండడంతో.. ఆరోగ్యం మరింత క్షీణించినట్టు తెలుస్తుంది. ఇక హోలీ పండుగ రోజు నాడు.. సంతోషంగా తన సన్నిహితులతో కలిసి రంగులు పూసుకున్న ఆయన.. తర్వాతి రోజే మరణిస్తారని ఎవ్వరూ ఊహించలేదు. ఇక సతీష్ కౌశిక్ మరణానికి చింతిస్తూ సినీ ప్రముఖులు సోషల్ మీడియాలో తమ ప్రగాఢ సంతాపాన్ని తెలియజేస్తున్నారు.
